ق ر ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى ەلىمىزدىڭ دەموگرافيالىق جاعدايى تۋرالى مالىمەت ۇسىندى.
2021 جىلعى 1 مامىرمەن سالىستىرعاندا حالىق سانى 236،9 مىڭ ادامعا ءوستى، دەپ حابارلايدى Almaty-akshamy.kz
2022 جىلعى 1 مامىرعا ەلىمىزدەگى حالىق سانى 19 199،8 مىڭ ادام بولدى، ونىڭ ىشىندە قالالىقتار – 11 442،9 مىڭ (59،6%)، اۋىلدىقتار – 7 756،9 مىڭ ادام (40،4%). 2021 جىلعى 1 مامىرمەن سالىستىرعاندا حالىق سانى 236،9 مىڭ ادامعا نەمەسە 1،2% ءوستى.
ۇلتتىق ستاتيستيكا بيۋروسىنىڭ مالىمەتىنشە، 2022 جىلعى قاڭتار-ساۋىردە رەسپۋبليكا حالقىنىڭ تابيعي ءوسىمى 2021 جىلعى قاڭتار-ساۋىرمەن سالىستىرعاندا (88 مىڭ ادام) 9،8% كەمىپ، 79،3 مىڭ ادام بولدى. تابيعي ءوسىمنىڭ جالپى كوەففيسيەنتى 1000 ادامعا شاققاندا 12،54 ادام بولدى.
احات ورگاندارى ۇسىنعان ازاماتتىق حال اكتىلەرى جازبالارىنداعى مالىمەتتەردى وڭدەۋ ناتيجەسىندە، 2022 جىلعى قاڭتار-ساۋىردە تۋىلعاندار سانى 127 مىڭ ادام بولدى، بۇل 2021 جىلعى قاڭتار-ساۋىرگە (137،4 مىڭ ادام) قاراعاندا 7،6% از. تۋۋدىڭ جالپى كوەففيسيەنتى 1000 ادامعا 20،08 تۋىلعانداردان كەلەدى.
وسى كەزەڭدە قايتىس بولعاندار سانى 47،7 مىڭ ادام بولدى، بۇل 2021 جىلعى قاڭتار-ساۋىرگە (49،5 مىڭ ادام) قاراعاندا 3،6% از.
2022 جىلعى قاڭتار-ساۋىردە رەسپۋبليكادا 1 جاسقا دەيىن شەتىنەگەن 1 113 نارەستە تىركەلدى. 2021 جىلعى ءتيىستى كەزەڭمەن سالىستىرعاندا (1109 شەتىنەگەن نارەستە) 0،4% ارتتى. نارەستە ءولىم-جىتىمىنىڭ كوەففيسيەنتى 1000 تۋعانعا شاققاندا 8،76 وقيعانى قۇرادى.
حالىقتىڭ كوشى-قونى
كوشى-قون قىزمەتى ورگاندارى ۇسىنعان مالىمەتتەردى وڭدەۋ ناتيجەسىندە، 2022 جىلعى قاڭتار-ساۋىردە ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى 5 122 ادامدى، ەلىمىزدەن كەتكەندەردىڭ سانى 7 041 ادامدى، كوشى-قوننىڭ ايىرىمى -1 919 ادامدى قۇرادى.
ەلىمىزدەگى نەگىزگى كوشى-قون تمد مەملەكەتتەرىمەن ءوتىپ جاتىر. تمد ەلدەرىنەن كەلگەندەردىڭ جانە سول ەلدەرگە كەتكەندەردىڭ كوشىپ-قونۋشىلاردىڭ جالپى سانىنان ۇلەسى 85،3% جانە 80،1% بولدى.
ەل ىشىندە قونىس اۋداراتىن كوشىپ-قونۋشىلار سانى 3%-عا كەمىدى.
ءوڭىرارالىق قونىس اۋدارۋ بويىنشا حالىق كوشى-قونىنىڭ وڭ ايىرىمى ەلىمىزدىڭ 3 وڭىرىندە بايقالدى:
الماتى (11 577 ادام)؛
نۇر-سۇلتان (10 300 ادام)؛
شىمكەنت (1 664 ادام) قالالارىندا.