پرەمەر-مينيستر ءاليحان سمايىلوۆ قازاقستاندىقتاردى جاڭا جىل مەرەكەسىمەن قۇتتىقتادى، دەپ حابارلايدى اlmaty-akshamy.kz ۇكىمەتتىڭ باسپا ءسوز قىزمەتىنە سىلتەمە جاساپ.
«قۇرمەتتى قازاقستاندىقتار!
بارشاڭىزدى كەلىپ جەتكەن 2024 جىلمەن شىن جۇرەكتەن قۇتتىقتايمىن! جاڭا جىل - بۇل وتكەندى سارالاپ، بولاشاققا باعدار قۇرۋدىڭ مۇمكىندىگى، ويتكەنى ءبىز بۇل مەرەكەمەن ۇكىلى ۇمىتتەرىمىز بەن اسقاق ارماندارىمىزدى بايلانىستىرامىز.
2023 جىل كوپتەگەن ازاماتتارعا تولاعاي تابىستار مەن جەتىستىكتەر الىپ كەلدى. وتكەن جىل ەلىمىز ءۇشىن دە جارقىن باستامالارعا تولى بولدى.
ەكونوميكا ورنىقتى وسۋدە. بيزنەس ورتا بەلسەندى دامىپ، يندۋستريالىق جانە ينفراقۇرىلىمدىق جوبالار جۇزەگە اسىرىلۋدا. قازاقستان شەتەلدىك ينۆەستورلار ءۇشىن تارتىمدى بولىپ قالا بەرەدى جانە ورتالىق ازيا ايماعىنداعى تىكەلەي شەتەلدىك ينۆەستيسيالاردىڭ جالپى اعىنى بويىنشا ءسوزسىز كوشباسشى.
مەملەكەت باسشىسى قاسىم-جومارت توقايەۆتىڭ ەلىمىزدىڭ الەۋمەتتىك-ەكونوميكالىق دامۋى، قازاقستاندىقتاردىڭ ءال-اۋقاتى مەن ءومىر ءسۇرۋ ساپاسىن ارتتىرۋ جونىندەگى اۋقىمدى مىندەتتەرىن جۇزەگە اسىرۋدا ناتيجەلى جۇمىستار اتقارىلدى.
2024 جىل - جاڭا باستامالار مەن ولاردى ىسكە اسىرۋ كەزەڭى.
جىلدىڭ قالاي بولارى، نە كۇتەتىنىمىز كوپ جاعدايدا وزىمىزگە بايلانىستى. ءبىز جاقىندارىمىزدى قۋانتىپ قانا قويماي، ەلىمىزدىڭ قارىشتاپ دامۋىنا دا ۇلەس قوسۋعا كۇشىمىز جەتەدى.
جاڭا جىلدا وتكەن جىلدىڭ ۇزدىك داستۇرلەرى مەن جەتىستىكتەرىن، تاتۋلىق پەن بىرلىك، ءوز كۇشىمىزگە جانە قازاقستاننىڭ بولاشاعىنا دەگەن سەنىمدى الىپ ءجۇرۋ ماڭىزدى.
بارشاڭىزعا شىن جۇرەكتەن زور دەنساۋلىق، كوتەرىڭكى كوڭىل-كۇي جانە بارلىق جوسپارلارىڭىزدىڭ ورىندالۋىن تىلەيمىن!»-دەلىنگەن پرەمەر-مينيستردىڭ قۇتتىقتاۋىندا.