مەسسەندجەرلەر مەن الەۋمەتتىك جەلىلەردە ق ر ەڭبەك جانە حالىقتى الەۋمەتتىك قورعاۋ مينيسترلىگى ققس ءۇشىن وتەماقى ەنگىزگەنى تۋرالى تاراتىلىپ جاتقان اقپارات شىندىققا جاناسپايدى، دەپ حابارلايدى اlmaty-akshamy.kz.
«مەسسەندجەرلەردە ەڭبەكميننىڭ ققس ءۇشىن وتەماقى تولەمىن ەنگىزگەنى تۋرالى شىندىققا جاناسپايتىن اقپارات تاراتىلۋدا. تاعايىندالعان قاراجاتتى اۋدارۋ ءۇشىن بەلگىسىز ازاماتتار سىلتەمەگە ءوتۋدى ۇسىنادى.
الەۋمەتتىك كومەكتىڭ مۇنداي ءتۇرى جوق ەكەنىن حابارلايمىز. تيىسىنشە، حابارلامادا كورسەتىلگەن سىلتەمە الاياقتار ءۇشىن ازاماتتاردىڭ جەكە دەرەكتەرىن الۋ ءتاسىلى بولۋى مۇمكىن. الاياقتارمەن ءوزارا ارەكەتتەسۋدى بولدىرماۋ ءۇشىن سىلتەمەگە وتپەۋگە كەڭەس بەرەمىز»، — دەپ جازدى ۆەدومستۆودان.
مەملەكەتتىك قولداۋدىڭ ءتيىستى شارالارى تۋرالى رەسمي اقپارات تەك قانا 1414 نومىرىنەن سمس-حابارلامالار ارقىلى تاراتىلادى.