وتباسىنداعى كيكىلجىڭدە ايەلدەر عانا ەمەس، ەرلەر دە "تاياق جەپ" قالادى

ءىىم: «ەركەكتەردىڭ كوبى ايەلدەرىنەن تاياق جەيدى»

بىلتىر 1022 تۇرمىستاعى زورلىق-زومبىلىق فاكتىسى تىركەلگەن. ونىڭ 46%-ىندا ەر ادامدار زارداپ شەككەن، دەپ حابارلايدى Almaty-akshamy.kz Elorda.info سايتىنا سىلتەمە جاساپ.

بۇل تۋرالى ءىىم اكىمشىلىك پوليسيا كوميتەتى ءتوراعاسىنىڭ ورىنباسارى الەكسەي ميليۋك مالىمدەدى. 

2021 جىلى 1022 تۇرمىستاعى زورلىق-زومبىلىق فاكتىسى تىركەلگەن. ونىڭ 46%-دا زارداپ شەككەن ەركەكتەر ەكەن. 

«ەركەكتەر تاياق جەيتىن جاعدايلار بولادى. ءوز باسىم كۇيەۋىنىڭ ۇستىنە جانارماي قۇيىپ، ورتەۋگە تىرىسقان ايەلدى بىلەمىن. بۇعان وتباسىنداعى جانجال سەبەپ بولعان. ۇيىنە ماس كۇيىندە كەلگەن سوڭ، ۇرىس باستالعان»، — دەيدى الەكسەي ميليۋك.

سونداي-اق ءىىم وكىلى اتاپ وتكەندەي، جانجالدار مەن ۇيدەگى قاقتىعىستار كەزىندە ايەلدەر پىشاق جاراقاتىن سالۋى مۇمكىن جانە بۇل جاعدايدا ولار كىسى ءولتىرۋ نيەتىن ايقىن كورسەتەدى. سول سەبەپتى ەلىمىزدە پسيحولوگيالىق قىزمەتتەردى جەتىلدىرۋ قاجەت. 

«ەلىمىزدە پسيحولوگيالىق قىزمەتتەردى دامىتۋ قاجەت. بۇل ادام بۇزىلۋ الدىندا بولسا، بايلانىسۋ ءۇشىن ورىن جوق. قالىپتى پسيحولوگتىڭ باعاسى قانداي ەكەنىن ءوزىڭىز تۇسىنەسىز»، – دەيدى الەكسەي ميليۋك.