وتاندىق قولونەرشىلەر الەمدىك نارىقتى باعىندىرماق

قوستانايلىق قولونەرشىلەر الەمدىك نارىققا شىعۋعا نيەتتى، دەپ حابارلايدى Almaty-akshamy.kz Qazaqtv.com سىلتەمە جاساپ.

وعان «Born Nomad» قازاق-امەريكالىق بايقاۋى مۇمكىندىك بەرىپ وتىر. وسى ماقساتتا جەرگىلىكتى 35 شەبەر حالىقارالىق بايقاۋعا قاتىسۋعا ءوتىنىش بەرگەن. ولار ءقازىر ونلاين رەجيمىندە وقۋدان ءوتىپ جاتىر. كەيىن وزگە قازاقستاندىق قاتىسۋشىلارمەن «داستۇرلەر مەن مادەنيەت»، «جاڭاشىلدىق»، «شەبەر-ايەل»، «جاس تالانتتار»، «3D قولونەر» جانە «شىعارماشىلىق ىنتىماقتاستىق» نوميناسيالارى بويىنشا باسەكەگە تۇسەدى. كونكۋرس ناتيجەسى بويىنشا بارلىق قولونەرشى حالىقارالىق ساۋدا الاڭدارىنا شىعىپ، ءحوببيىن تولىققاندى بيزنەسكە اينالدىرا الادى.

«ءبىز قازاق ۇلتتىق ونەرىنىڭ بۇيىمدارىن ءقازىر ءوز ومىرىمىزدە تەك قانا تويدا پايدالانامىز، سۇرانىس بار. ءبىراق ءبىز تەك قانا ايماقتا ساۋدا جاسايمىز. ال وسى «Born Nomad» كونكۋرسى ارقىلى ءبىز حالىقارالىق ينتەرنەت ساۋداعا شىعۋدى ماقسات ەتتىك»، - دەيدى قولونەرشىلەر قورىنىڭ جەتەكشىسى ساۋلە قابيدۋلوۆا.

سونداي-اق شەبەرلەر دە ەتنوونەردىڭ وزگەلەردەن ەش كەم ەمەستىگىن ايتۋدا.

«ءبىزدىڭ ۇلتتىق كادەسىيلار مەن ءداستۇرىمىز كوپتەگەن ەلگە قىزىقتى. ويتكەنى بىزگە شەتەلدەن كەلەتىن قوناقتار كوپ. ال ەلدەرىنە قايتاردا ەستەلىك رەتىندە ۇلتتىق ناقىشتاعى كادەسىيلاردى ىزدەستىرە باستايدى»، - دەدى قولونەر شەبەرى جانارا وماربەكوۆا.