«امەن اعانىڭ عاجايىپ بايتەرەگى» اتتى قىسقامەتراجدى مۋلتفيلم ءتۇسىرىلدى
ق ر مادەنيەت جانە سپورت ءمينيسترى داۋرەن ابايەۆ «قازاقانيماسيا» شىعارماشىلىق بىرلەستىگىنىڭ جۇمىسىمەن تانىستى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق انيماسياعا بيىل 55 جىل تولدى. شاكەن ايمانوۆ اتىنداعى «قازاقفيلم» كينوستۋدياسى جانىنان «قازاقانيماسيا» شىعارماشىلىق بىرلەستىگى (شب) اشىلىپ، قازاق مۋلتيپليكاسياسىنىڭ جۇمىسى قايتا جانداندى. بۇگىنگى تاڭدا «قازاقانيماسيا» شىعارماشىلىق بىرلەستىگى كونكۋرستىق نەگىزدە رەسپۋبليكانىڭ ءىرى قالالارىنان مالىمدەلگەن 167 سەناريي ىشىنەن ۇزدىك 20-سىن تاڭداپ، 5 مينۋتتىق انيماسيالىق كارتينالاردان تۇراتىن 20 پيلوتتىق جوبانى اياقتاپ ۇلگەردى.
«2022 جىل ۇلتتىق انيماسيالىق كينو ونەرى ءۇشىن ايتۋلى جىل بولدى. سەبەبى بيىل قازاق انيماسيالىق كينو ونەرىنە 55 جىل تولدى. انيماسيا سالاسى مايتالماندارىنىڭ تالاي جىلدان بەرگى ارمانى ورىندالىپ، شاكەن اتامىزدىڭ اتىنداعى «قازاقفيلم» كينونوستۋدياسى جانىنان «قازاقانيماسيا» شىعارماشىلىق بىرلەستىگى جاڭادان جاساقتالىپ، قايتا قۇرىلدى. 1967 جىلى قازاق مۋلتيپليكاسياسىنىڭ نەگىزىن قالاۋشى، رەجيسسەر امەن قايداردىڭ «قارلىعاشتىڭ قۇيرىعى نەگە ايىر؟» اتتى تۇڭعىش فيلمىنەن باستاۋ العان قازاق انيماسيالىق كينو ونەرى ەلىمىزدىڭ كەلەشەگى جاس ۇرپاققا جارتى عاسىردان استام ۋاقىت بويى تولاسسىز قىزمەت ەتۋمەن كەلەدى»، - دەدى ق ر مادەنيەت جانە سپورت ءمينيسترى داۋرەن ابايەۆ.
«قازاقانيماسيا» شىعارماشىلىق بىرلەستىگىنىڭ جۇمىسى باستالعالى ءۇش اي ىشىندە انيماسيا سالاسىنداعى الەمنىڭ جەتەكشى ماماندارىنان شەبەرلىك سىنىپتارى وتكىزىلدى. وقۋ باعدارلاماسى بارىسىندا 300-دەن اسا ستۋدەنتتەر مەن جوبا قاتىسۋشىلارى شەتەلدىك جانە قازاقستاندىق مامانداردىڭ دارىستەرى مەن پراكتيكالىق ساباقتارىنا قاتىسىپ، كاسىبي تاجىريبەلەرىن شىندادى.
ءىس-شارا بارىسىندا مادەنيەت ءمينيسترى انيماسيا ارداگەرلەرىنە ماراپاتادى. «ەڭبەك ارداگەرى» مەدالىن، كينورەجيسەر-مۋلتيپليكاتورلار گۇلميرا سادىقوۆا مەن گالينا دۋسەنكو جانە سۋرەتشى-مۋلتيپليكاتور ەرنست بەيسەيتوۆ الدى.
مادەنيەت مينيسترىنە «قازاقانيماسيا» شب شەڭبەرىندە قۇرىلعان 20 پيلوتتىق جوبا كورسەتىلدى. سونىمەن قاتار، قازاقستاندىق مۋلتيپليكاتورلار انيماسيا سالاسىنداعى حالىقارالىق ارىپتەستەرىمەن مەموراندۋمدارعا قول قويىلدى.
ايتا كەتەيىك، 55 جىل ىشىندە وتاندىق ەكى جۇزدەن اسا مۋلتفيلم ءتۇسىرىلىپ، وتىزدان اسا انيماسيالىق ستۋديالار ومىرگە كەلدى. 2018 جىلى انيماسيالىق كينوستۋديالار قاۋىمداستىعى قۇرىلىپ، ءوز كەزەگىندە بۇل قاۋىمداستىق رۋحاني-مادەني ماڭىزى بار كوپتەگەن ءىس شارالاردى اتقارىپ كەلەدى. سونىڭ ىشىندە جىل سايىن ۇيىمداستىرىلاتىن حالىقارالىق Amen فەستيۆالى.
بيىل Amen فەستيۆالiنە قاتىسۋعا ازەربايجان، گرۋزيا، يسپانيا، قازاقستان، جۇڭگو، تۇركيا، وزبەكستان جانە فرانسيا مۋلتيپليكاتورلارىنان بارلىعى 147 ءوتىنىم ءتۇستى، ولاردىڭ 55ء-ى ىرىكتەۋدەن ءوتتى. بۇل جوبالاردى وتاندىق جانە شەتەلدىك انيماسيانىڭ كورنەكتى قايراتكەرلەرى ەنگەن قازىلار القاسى iرiكتەدi.
الداعى جىلى قازاق انيماسيالىق كينو ونەرىنىڭ اتاسى امەن قايداردىڭ تۋعانىنا ءبىر عاسىر، ياعني 100 جىل تولماق. وسىعان وراي «قازاقانيماسيا» شىعارماشىلىق بىرلەستىگىندە ۇلتتىق كينونى قولداۋ مەملەكەتتىك ورتالىعىنىڭ تاپسىرىسىمەن «امەن اعانىڭ عاجايىپ بايتەرەگى» اتتى قىسقامەتراجدى مۋلتفيلم ءتۇسىرىلدى.