وتاندىق مەديسينادا 3D پرينتەرلەر پايدا بولماق

3D پرينتەرلەر مەديسينالىق تەحنيكا رەتىندە تىركەلۋى مىندەتتى

دەنساۋلىق ساقتاۋ مينيسترلىگى وتاندىق مەديسينادا 3D پرينتەرلەردى تىركەپ، قولدانۋدى جوسپارلاپ وتىر. بۇل تۋرالى دەنساۋلىق ساقتاۋ ۆيسە-مينيسترى بەيبىت ەسەنبايەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

«وتاندىق مەديسينا سالاسىندا 3D پرينتەرلەر قولدانىلادى. ءبىراق، ونىڭ بەلگىلى ءبىر تالاپتارى بار. بىرىنشىدەن 3D پرينتەرلەر مەديسينالىق تەحنيكا رەتىندە تىركەلۋى مىندەتتى. ويتكەنى، 3D پرينتەردە باسىپ شىعارىلاتىن مەديسينالىق بۇيىمدار بەلگىلى شارتتارعا ساي بولۋى كەرەك. ەكىنشىدەن، ەلىمىزدە ءالى كۇنگە دەيىن بىردە-بىر 3D پرينتەر مەديسينالىق تەحنيكا رەتىندە تىركەلمەگەن»، – دەدى بەيبىت ەسەنبايەۆ ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.

ۆيسە-مينيستردىڭ ايتۋىنشا، وتاندىق مەديسينادا 3D پرينتەرلەردى تىركەۋ جوسپاردا بار.

«وزدەرىڭىز بىلەتىندەي، ءقازىر تراۆماتولوگيا ورتالىعىندا جاڭا بلوگ سالىنىپ جاتىر. جاڭا بلوگتا 3D پرينتەرلەردى ورناتۋدى بولجاپ وتىرمىز. دەگەنمەن قايتالاعىم كەلەدى، 3D پرينتەرلەردى قولدانۋ ءۇشىن ول مەديسينالىق تەحنيكا رەتىندە ءتيىستى پروسەدۋرالاردان ءوتىپ، تىركەلۋى ءتيىس. سودان كەيىن عانا قولدانىسقا رۇقسات»، - دەيدى ول.

بۇعان دەيىن بەيبىت ەسەنبايەۆ دەنساۋلىق ساقتاۋ سالاسىنا «Ericsson Nikola Tesla» پلاتفورماسىنىڭ ەنگىزىلمەۋ سەبەبىن تۇسىندىرگەن ەدى.