اسقار ءىلياسوۆ «ۇزدىك ەر ادام ءرولى» سىيلىعىن جەڭىپ الدى
مادەنيەت جانە سپورت مينيسترلىگىنىڭ قولداۋىمەن تۇسىرىلگەن قازاقستاندىق «پاراليمپيەس» ءفيلمى ءۇندىستاندا (مۋمباي ق.) وتكەن شانحاي ىنتىماقتاستىق ۇيىمىنىڭ كينوفەستيۆالىندە جوعارى ماراپاتقا يە بولدى، دەپ حابارلايدى Almaty-akshamy.kz.
رەجيسسەر الديار بايراقىموۆتىڭ «پاراليمپيەس» فيلمىندەگى باستى ءرولدى سومداعان اسقار ءىلياسوۆ «ۇزدىك ەر ادام ءرولى» سىيلىعىن جەڭىپ الدى.
فەستيۆالگە 14 ەلدەن بارلىعى 57 تۋىندى ۇسىنىلدى. وتاندىق دەلەگاسيانى ديماش قۇدايبەرگەن باستادى.
ايتا كەتۋ كەرەك، بۇل ءفيلمنىڭ العاشقى ماراپاتى ەمەس – وتكەن جىلى ول رەسەيدەگى كينوفەستيۆالدەردە 2 مارتە گران-پري الدى.
كينوتۋىندى قازاقستاندىق پاراليمپياداشىلاردىڭ ومىرىندەگى شىنايى وقيعالارعا نەگىزدەلگەن. فيلم 2018 جىلى پحەنچحاندا وتكەن قىسقى پاراليمپيادا تۇڭعىش چەمپيونى الەكساندر كولياديننىڭ جەڭىسكە جەتۋ جولىن باياندايدى.
«مەن وتە باقىتتىمىن. بۇل مەنىڭ العاشقى سىيلىعىم. كينو تۇسىرىلىمىنە ۇزاق ءارى قارقىندى دايىندالدىق، جانىمىزدى سالدىق دەسەم دە بولادى. ءبىزدىڭ باستى ماقساتىمىز - پاراليمپياداشىلار تۋرالى ايتۋ، ولاردىڭ جەڭىسى قانداي ەرىك-جىگەردى تالاپ ەتكەنىن جانە ونىڭ ارتىندا كۇش پەن ۇمتىلىس تۇرعانىن كورسەتۋ. ارينە، تۋىندىنىڭ مەملەكەتتىك قولداۋدىڭ ارقاسىندا جارىققا شىققانىنا قۋانىشتىمىن»، - دەدى جۇلدەگەر اسقار ءىلياسوۆ.
سونىمەن قاتار، كينوفەستيۆالدە وتاندىق «ۇلى دالا تاڭى»، «مۇقاعالي»، «ماما، مەن ءتىرىمىن!»، «ادەموكانى وقىتۋ» جانە «ىستىق كول» فيلمدەرى كورسەتىلدى.