جەڭىس جولى.
ۇلتتىق وليمپيادا كوميتەتىنىڭ مالىمەتىنشە، بوكستان قازاقستان جاسوسپىرىمدەر قۇراما كومانداسىنىڭ سەگىز سپورتشىسى ازيا چەمپيوناتىنىڭ فينالىنا جولداما الدى، دەپ حابارلايدى Almaty-akshamy.kz.
وسى كۇندەرى دۋبايدا (ءباا) جاستار مەن جاسوسپىرىمدەر اراسىندا بوكستان ازيا چەمپيوناتى ءوتىپ جاتىر. قۇرلىقتىق بىرىنشىلىككە 2005-2006 جىلى تۋعان ءجاسوسپىرىم سپورتشىلار قاتىسۋدا.
52 كەلىگە دەيىن: تورەحان سابىرحان - بۋزۋرگمەحر يكسانوۆ (تاجىكستان) - 3:2
54 كەلىگە دەيىن: اداي نيازباي - چيرينگ (نەپال) - ءۇشىنشى راۋند DSQ.
57 كەلىگە دەيىن: باحتيار اناربايەۆ - شاحبوز داداجونوۆ (تاجىكستان) - 5:0.
52 كەلىگە دەيىن: توميريس مىرزاقۇل - لازيزا يۋسۋپوۆا (وزبەكستان) - 5:0
60 كەلىگە دەيىن: اسەم تاڭاتار - ماريام موحاممەد (يراك) - 5:0
قۇرلىقتىق دودانىڭ فينالىنا اقجان تۇركىستانوۆا (75 كەلىگە دەيىن) جانە شۇعىلا رىسبەك (81 كەلىدەن جوعارى) مەرزىمىنەن بۇرىن جولداما الدى.
ءوز سالماقتارىندا كەلەسى سپورتشىلار قول جۇلدەگە يە بولدى:
48 كەلىگە دەيىن: ايدار قادىرحان
50 كەلىگە دەيىن: يليا كالينين
75 كەلىگە دەيىن: داۋلەت تولەمىسوۆ
46 كەلىگە دەيىن: ەليانۋرا تۋرگانوۆا
48 كەلىگە دەيىن: انيتا ابيشيەۆا
ايتا كەتەيىك، 26-27 تامىز كۇندەرى جاسوسپىرىمدەر اراسىنداعى كەزەكتى جارتىلاي فينالداعى جەكپە-جەكتەرى وتەدى.
ال بۇگىن دۋبايداعى جارىستا جاستار اراسىنداعى فينالدىق باسەكەگە قاتىساتىن سپورتشىلاردىڭ ەسىمى بەلگىلى بولادى.
جارىستان تىكەلەي ەفير ەلوردا ۋاقىتىمەن 18:00-دە بولادى دەپ كۇتىلۋدە.