الماتىدا ەل پرەزيدەنتىنىڭ جولداۋىن تالقىلاۋعا ارنالعان ءتۇسىندىرۋ جۇمىستارى جالعاسىپ جاتىر.
جالپى، سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى. سوندىقتان ەلىمىزدىڭ بولاشاعىن ايقىندايتىن قۇجاتتى تالقىلاۋ بارلىعىمىز ءۇشىن ماڭىزدى. الاتاۋ اۋدانى، «بايبەسىك» ىقشاماۋدانىندا ورنالاسقان «Mebel Laif» ج ش س ۇجىمىندا وتكەن جيىن بارىسىندا مەملەكەت باسشىسىنىڭ اۋقىمدى ماسەلەلەر بويىنشا ناقتى تاپسىرمالار بەرگەنى تۋرالى جان-جاقتى ايتىلدى.
«ءبىزدىڭ ەلىمىز ءقازىر قايتادان قۇرىلۋدا. ءبىز باسقا دەڭگەيگە جەتۋگە تالپىنىس ۇستىندەمىز. ەلىمىزدە رەفەرەندۋم ءوتتى. كوپتەگەن وزگەرىستەر بولىپ جاتىر. بۇرىن دەپۋتاتتار حالىقپەن كەزدەسۋگە جىلىنا ءبىر رەت كەلەتىن ەدى. شىنى كەرەك، حالىق ءتىپتى كوپتەگەن دەپۋتاتتاردى بىلمەيتىن. دەگەنمەن، ءقازىر ءبارى وزگەرىپ جاتىر. ءبىز سىزدەردىڭ قويىپ جاتقان بارلىق ساۋالدارىڭىزدى ءتيىستى ورىندارعا جەتكىزەمىز»، – دەدى الماتى قالاسى ءماسليحاتىنىڭ دەپۋتاتى گۇلجان بەكەنوۆا.
جيىن بارىسىندا حالىقتىڭ تۇرمىس جاعدايى، دەنساۋلىق ساقتاۋ جانە حالىققا الەۋمەتتىك كومەك كورسەتۋدىڭ تۇرلەرى تۋرالى كەڭىنەن اڭگىمە بولدى. ءسوز سويلەگەندەر مەملەكەت باسشىسىنىڭ جولداۋى ەلىمىزدىڭ دامۋى ءۇشىن ايقىن باعىت، باستى باعدار بولاتىنىن اتاپ ءوتتى.
«ق.توقايەۆ مەملەكەتتى نىعايتۋ، وتاندىق بيزنەستى قولداۋ، حالىقتى الەۋمەتتىك قورعاۋ جانە ەكونوميكانى دامىتۋ جايىنا كەڭىنەن توقتالدى. جەرگىلىكتى بيلىك قىزمەتىنىڭ تيىمدىلىگىن تىكەلەي باعالاۋ باستاماسىن كوتەردى. ءبىز وسى جولداۋ مىندەتتەرى ورىندالىپ، قازاقستاندىقتاردىڭ تۇرمىس ساپاسىن ارتتىرۋ، كاسىپكەرلىكتى قولداۋ، ينفراقۇرىلىمدى دامىتۋ، باسپانا ماسەلەسىن شەشۋ سىندى تەگەۋرىندى باسىمدىقتار جۇزەگە اسقان جاعدايدا ەلدىڭ تۇرمىسى تۇزەلىپ، جاعدايىمىزدىڭ جاقساراتىنىنا سەنەمىز. جولداۋ بولاشاعىمىزدىڭ ىرگەسىن نىقتاۋعا مىندەتتەيدى. ەندەشە، قۋاتتى قازاقستاندى بىرگە قۇرىپ، ەلدىڭ ءال-اۋقاتىن جاقسارتۋ جولىندا جەمىستى جۇمىس ىستەپ، ەرىنبەي ەڭبەكتەنەيىك»، – دەدى الماتى قالاسى ءماسليحاتىنىڭ دەپۋتاتى ارايلىم شاموۆا. كەزدەسۋ بارىسىندا دەپۋتاتتارعا كوپتەگەن سۇراقتار قويىلىپ، ناقتى جاۋاپتار ايتىلدى. جيىنعا قاتىسۋشىلار مەملەكەتتىڭ قازىرگى قولداۋلارىنىڭ ارقاسىندا وتاندىق بيزنەس پەن شاعىن كاسىپكەرلىكتىڭ جاقسى دامىپ كەلە جاتقانىنا باسا توقتالدى.