قازاقستان بياتلونشىلار وداعىنىڭ باسپا ءسوز قىزمەتىنەن ءمالىم ەتكەندەي، چەحيانىڭ نوۆە-مەستو قالاسىندا ءوتىپ جاتقان الەم بىرىنشىلىگىندە بياتلوننان ەرلەر قۇراماسى ەستافەتا سايىسىندا ۇزدىك وندىققا ەندى، دەپ حابارلايدى Almaty-akshamy.kz.
بۇل جارىستا ەل نامىسىن الەكساندر مۋحين، ۆلاديسلاۆ كيرەيەۆ، اسەت دۇيسەنوۆ جانە نيكيتا اكيموۆ قورعادى، دەپ حابارلايدى Almaty-akshamy.kz
جارىس الاڭىنا العاش بولىپ الەكساندر مۋحين شىقتى.
ول بارلىق نىساناعا ءدال تيگىزىپ، جەڭىمپازدان +0.9 سەكۋند ايىرماشىلىقپەن ەستافەتانى ۇزدىك ۇشتىكتىڭ قاتارىندا ۆلاديسلاۆ كيرەيەۆكە تاپسىردى.
ۆلاديسلاۆ كيرەيەۆ العاشقى جاتىپ اتۋ كەزەڭىندە 3 قوسىمشا وقتىڭ كومەگىمەن، ال تۇرىپ اتۋ كەزىندە بىردەن بارلىق مەجەگە ءدوپ تيگىزدى.
ول ەستافەتانى اسەت دۇيسەنوۆكە ۇزدىك تورتتىكتىڭ قاتارىندا تاپسىردى.
جارىس الاڭىنا شىققان اسەت دۇيسەنوۆ ءبىرىنشى اينالىمدا 2 وعى قيىس كەتىپ، قوسىمشا وقتىڭ كومەگىمەن بارلىق نىسانانى جاپسا، ەكىنشى اينالىمدا مەرگەندىك تانىتىپ، تازا اتتى.
ديۋسەنوۆتەن كەيىن باسەكەنى العاش رەت ەرەسەكتەر اراسىنداعى الەم چەمپيوناتىنا قاتىسۋشى نيكيتا اكيموۆ جالعاستىردى.
ول ءبىرىنشى اينالىمدا 3 قوسىمشا، ەكىنشى اينالىمدا 2 قوسىمشا وق پايدالانىپ، كوماندانى ۇزدىك وندىقتان تۇسىرمەدى.
وسىلايشا جىلدىڭ باستى ستارتى ءوز مارەسىنە جەتتى.