بۇل ەكى مەگاپوليستىڭ تۋريستىك، مادەني جانە ىسكەرلىك بايلانىسىن نىعايتۋ جولىنداعى ماڭىزدى قادام بولادى، دەپ حابارلايدى aqshamnews.kz الماتىنىڭ تۋريزم باسقارماسىنا سىلتەمە جاساپ.
China Eastern Airlines اۋە كومپانياسىنىڭ شانحاي – الماتى باعىتىنداعى جاڭا تىكەلەي رەيس 4 شىلدەدە ىسكە قوسىلادى.
العاشقى رەيس ارقىلى قالاعا اۋە كومپانياسىنىڭ وكىلدەرى، قىتايدىڭ ب ا ق وكىلدەرى مەن بلوگەرلەرى كەلمەك. بۇل جوبا قىتايدا كەڭىنەن ناسيحاتتالىپ، الماتىنىڭ تانىمالدىلىعىن ارتتىرۋعا سەپ بولادى، دەيدى باسقارماداعىلار. ءىس-شاراعا وراي ارنايى اكسيا ۇيىمداستىرىلىپ، شاھارعا ۇشىپ كەلگەن جولاۋشىلاردى ەستەلىك كادەسىيمەن قارسى الۋدى جوسپارلانىپ وتىر.
جاڭا اۋە باعىتى الماتى اكىمدىگى مەن China Eastern Airlines باسشىلىعى اراسىنداعى 2025 جىلدىڭ اقپان ايىندا جاسالعان كەلىسىمدەردىڭ ناتيجەسىندە جۇزەگە اسقان. ايتا كەتۋ كەرەك، بۇل كومپانيانىڭ ورتالىق ازياعا العاشقى رەيسى.
جاڭا باعىتتىڭ ىسكە قوسىلۋى قالانى قىتايلىق تۋريستەر مەن بيزنەس وكىلدەرى ءۇشىن بۇرىنعىدان دا قولجەتىمدى ەتە تۇسپەك. 2025 جىلدىڭ العاشقى توقسانىندا الماتىعا قحر-دان كەلگەن تۋريستەر سانى 20،9 مىڭنان اسىپ، وتكەن جىلدىڭ وسى كەزەڭىمەن سالىستىرعاندا 39،9% وسكەن.
بۇگىندە الماتىدان بەيجىڭ، گۋانچجوۋ، سيان، ءۇرىمجى، حانچجوۋ جانە سانياعا تىكەلەي اۋە قاتىناسى بار. جاڭا رەيس وسى باعىتتاردى تولىقتىرىپ، ەكى ەل اراسىنداعى اۋە قاتىناسىنىڭ جيىلىگىن ارتتىرادى. ءقازىر بۇل كورسەتكىش ايىنا 150 رەيستەن اسادى.