بيىل المالى اۋدانىندا جالپى ۇزىندىعى 5،8 شاقىرىم بولاتىن 11 كوشەدە ورتاشا جوندەۋ جۇمىسى جۇرگىزىلىپ جاتىر، ونىڭ ىشىندە ۇلكەن ماگيسترالدى كوشەلەر - بايزاقوۆ، تىلەندييەۆ پەن تولە بي كوشەسى دە بار.
المالى اۋدانىنىڭ اكىمى ارمان شامشين الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا مالىمدەگەنىندەي، تولە بي كوشەسىندەگى (550 م) جۇمىستار اياقتالىپ، بايزاقوۆ كوشەسىندە (1،5 كم) جوندەۋ جۇمىستارى جالعاسىپ جاتىر.
سونىمەن قاتار، 120 مەكەنجايدا جوندەۋ جۇرگىزىلىپ، جاڭبىر سۋىن قابىلداعىش 540 قۇرىلعى ورناتىلىپ، 325 ليۋك كوتەرىلگەن، 3،3 شاقىرىم جول جيەگى مەن 10،2 شاقىرىم بولاتىن تەحنيكالىق جولاق سالىنىپتى. جەلتوقسان مەن رايىمبەك كوشەسىندە BRT جولاعىن سالۋ جۇمىستارى دا وسىمەن قاتارلاسىپ جۇرگىزىلىپ جاتىر. بۇلاردى قوعامدىق كولىك جىلدام قاتىناۋى ءۇشىن قولعا الىپ وتىر.