وسكەمەن قالاسىنداعى اۆتوبۋستاردا كولىك كارتاسى جوق جولاۋشىلار ەندى 130 تەڭگە تولەيدى، دەپ حابارلايدى Almaty-akshamy.kz Inform.kz-كە سىلتەمە جاساپ.
قالالىق جولاۋشىلار تاسىمالىن باسقارۋ ورتالىعىنىڭ مالىمەتىنە سۇيەنسەك، 2 شىلدەدەن باستاپ قوعامدىق كولىكتەردە جول ءجۇرۋ اقىسىنىڭ سارالانعان ءتاريفى ەنگىزىلدى.
«ەندى كولىك كارتاسى جوق جولاۋشىلار 90 تەڭگە ەمەس، 130 تەڭگە تولەۋى ءتيىس. 7-دەن 15 جاسقا دەيىنگى بالالار ءۇشىن بيلەت باعاسى قولما-قول اقشامەن 65 تەڭگەنى قۇرايدى. ال كولىك كارتاسىمەن، ءموبيلدى قوسىمشالارداعى QR-كود ارقىلى تولەيتىن ازاماتتارعا جولاقى قۇنى - 90 تەڭگە، بالالارعا - 45 تەڭگە. كولىك كارتاسىمەن تولەم جاساۋ كەزىندە جەڭىلدىك ساناتىنا جاتاتىن تۇرعىندار ءۇشىن جول ءجۇرۋ شارتتارى وزگەرىسسىز قالادى»، - دەلىنگەن اقپاراتتا.
ايتا كەتەيىك، قالا بويىنشا كولىك كارتالارىن 50 ساۋدا نۇكتەسىنەن ساتىپ الۋعا بولادى.