وسكەمەن قالاسىندا اتموسفەرالىق اۋا قۇرامىنداعى ءۇش بىردەي زياندى زاتتىڭ مولشەرى رۇقسات ەتىلگەن شەكتەن اسىپ كەتكەنى انىقتالدى، - دەپ حابارلايدى Aqshamnews.kz Astanatv.kz-كە سىلتەمە جاساپ.
2 اقپان كۇنى جۇرگىزىلگەن مونيتورينگ ناتيجەسىندە كۇكىرتسۋتەك، كۇكىرت ديوكسيدى جانە كومىرتەگى توتىعى بويىنشا ايتارلىقتاي ارتىق كورسەتكىشتەر تىركەلدى. اتاپ ايتقاندا، كۇكىرتسۋتەك مولشەرى شەكتى نورمادان 4 ەسەدەن اسا، كۇكىرت ديوكسيدى شامامەن 3،8 ەسە، ال كومىرتەگى توتىعى 1،8 ەسەگە جۋىق جوعارىلاعان. بۇعان دەيىن، 1 اقپاندا دا اۋا قۇرامىنداعى ەكى زياندى زاتتىڭ شەكتەن اسقانى بايقالعان.
شىعىس قازاقستان وبلىسىندا بىرنەشە كۇن قاتارىنان ساقتالعان قولايسىز مەتەورولوگيالىق جاعدايلار احۋالدى ۋشىقتىرعان. وسىعان بايلانىستى ەكولوگيا سالاسىنىڭ ماماندارى، گيدرومەتەورولوگيالىق قىزمەت پەن سانيتاريالىق-ەپيدەميولوگيالىق باقىلاۋ ورگاندارى بىرلەسىپ، قالا اۋماعىندا اتموسفەرالىق اۋانىڭ ساپاسىن كۇن سايىن كوشپەلى تاسىلمەن تەكسەرىپ جاتىر.
جۇرگىزىلگەن باقىلاۋلاردىڭ قورىتىندىسى بويىنشا، اۋا ساپاسى جالپى العاندا ورتاشا دەڭگەيدە باعالانىپ، تۇرعىنداردىڭ دەنساۋلىعىنا تىكەلەي ءقاۋىپ توندىرمەيدى دەگەن تۇجىرىم جاسالدى. سونىمەن قاتار جەلسىز كۇندەرى ءوندىرىس ورىندارىنا جۇكتەمەنى 20–40 پايىزعا دەيىن قىسقارتۋ مىندەتتەلىپ، ەكولوگيالىق قىسىمدى ازايتۋ شارالارى قابىلدانۋدا.