بالا 12 جاستا
وسكەمەن قالاسىندا اۋتيزمگە شالدىققان بالا تۇندە ۇيدەن شىعىپ كەتىپ، جوعالىپ كەتتى، دەپ حابارلايدى Almaty-akshamy.kz قازاقپارات-قا سىلتەمە جاساپ.
شقو پوليسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، «102» جەدەل ارناسىنا حابارلاسقان ازامات 14 تامىزدا تۇنگى ساعات 02:30 شاماسىندا ۇيدەن بەلگىسىز باعىتتا شىعىپ كەتكەن بالاسىنىڭ تابىلماي جاتقانىن ايتتى. 12 جاستاعى تەمىرلان احمەدجانوۆ اۋتيزممەن اۋىرادى.
«پوليسيا قىزمەتكەرلەرى دەرەۋ جەدەل-ىزدەستىرۋ جۇمىستارىنا كىرىستى. سونىمەن قاتار ىزدەۋگە قۇتقارۋشىلار، كينولوگتار، ق ر ۇلتتىق ۇلانى ساربازدارى مەن ۆولونتەرلەر جۇمىلدىرىلعان. قازىرگى ۋاقىتتا ولار ۇيلەر مەن اۋلالاردى ارالاپ تەكسەرۋدە. كۆادروكوپتەرمەن دە ىزدەۋ جۇمىسى ءجۇرىپ جاتىر» دەلىنگەن اقپاراتتا.
بالانىڭ ۇستىندە كوك جەمپىر، كامۋفلياجدى شالبار، جاسىل تاپشىكە بولعان. ءتارتىپ ساقشىلارى ونىڭ قايدا ەكەنى جايلى قانداي دا ءبىر اقپارات بىلەتىندەرگە پوليسياعا حابار بەرۋىن سۇرايدى.