قاراقات ابدەننەن مەملەكەتتىك تىلدەن ەمتيحان تاپسىردى
بۇگىن ق ر ورتالىق سايلاۋ كوميسسياسىندا قاراقات ابدەن مەملەكەتتىك ءتىلدى ءبىلۋى دەڭگەيى بويىنشا ەمتيحان تاپسىردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ورتالىق سايلاۋ كوميسسياسىندا ق ر پرەزيدەنتتىگىنە كانديدات قاراقات ابدەننەن مەملەكەتتىك تىلدەن ەمتيحان الۋ ۇدەرىسى بولدى. ەمتيحان تاپسىرۋ بارىسىندا ۇمىتكەر جازبا تاپسىرماسىندا «ءتىل - حالىقتى التىن بەسىگى» تاقىرىبىن تاڭدادى. ەكىنشى اۋىزشا وقۋ تاپسىرماسىندا ءىلياس ەسەنبەرليننىڭ «كوشپەندىلەر» رومانىنان ءۇزىندى وقىدى»، - دەدى لينگۆيستيكالىق كوميسسيانىڭ مۇشەسى ديحان قامزابەك ۇلى.
سونىمەن قاتار ۇمىتكەر كوپشىلىك الدىندا سويلەۋ تاپسىرماسىندا «ازات ەلدىڭ ەڭسەسى بيىك» تاقىرىبىن تاڭدادى.
«كوميسسيا مۇشەلەرىنىڭ ورتاق قورىتىندىسىنا توقتالساق، قاراقات ابدەن مەملەكەتتىك ءتىلدى جەتىك بىلەدى جانە قويىلعان سۇراقتاردىڭ بارىنە ءوز دەڭگەيىندە جاۋاپ بەردى»، - دەدى د.قامزابەك ۇلى.
بۇدان بۇرىن حابارلانعانداي، ق ر پرەزيدەنتىن كەزەكتەن تىس سايلاۋدا ۇمىتكەر قاراقات ابدەن ورتالىق سايلاۋ كوميسسياسىنىڭ قاراۋىنا كانديدات رەتىندە قۇجاتتارىن تاپسىرعان.