بۇل پارتيا سايلاۋ جارناسىنان بوساتىلادى.
سەبەبى بۇعان دەيىنگى سايلاۋدا 5 پايىزدان ارتىق داۋىس جيناعان، دەپ حابارلايدى Almaty-akshamy.kz
ورتالىق سايلاۋ كوميسسياسى "اۋىل" حالىقتىق-دەموكراتيالىق پاتريوتتىق پارتياسىنىڭ كانديداتتارىن تىركەدى.
كوميسسيا ءتوراعاسى نۇرلان ءابدىروۆتىڭ ايتۋىنشا، پارتيانىڭ سايلاۋ جارناسىنان بوساتىلۋ سەبەبى بۇعان دەيىنگى سايلاۋدا 5 پايىزدان ارتىق داۋىس جيناعان.
"ەندى پارتيانىڭ سايلاۋ قورىن قالىپتاستىرۋعا ارناۋلى ۋاقىتقا شوت اشۋعا بولادى. پارتيالىق ءتىزىمدى تىركەۋ تۋرالى حابار ورتالىق سايلاۋ كوميسسياسىنىڭ ينتەرنەت رەسۋرسىندا جانە بۇقارالىق اقپارات قۇرالدارىندا جاريالانادى. سونداي-اق تىركەلگەن كانديداتتارعا ءتيىستى كۋالىكتەرىن بەرۋدى تاپسىرامىن"، - دەدى ءابدىروۆ.
"اۋىلدىڭ" پارتيالىق ءتىزىمى 25 ادامنان تۇرادى. ولاردىڭ اراسىندا پرەزيدەنت سايلاۋىنا قاتىسقان جيگۋلي دايرابايەۆ پەن قاراقات ابدەن بار.
ايتا كەتەرى، بۇگىندە بارلىعى 29 وكرۋگ بويىنشا 609 كانديدات ۇسىنىلىپ وتىر. ونىڭ ىشىندە 7 ساياسي پارتيادان – 79 ۇمىتكەر، ءتورت قوعامدىق بىرلەستىكتەن – 5 كانديدات، قالعان 525ء-ى – ءوزىن-وزى ۇسىنعاندار.
كانديداتتار مەن ساياسي پارتيالاردى تىركەۋ 18 اقپان 18.00-گە دەيىن جالعاسادى. سايلاۋ الدىنداعى ۇگىت 18 اقپان 18.01-دە باستالىپ، 18 ناۋرىز ساعات 00.00-دە اياقتالادى.
18 ناۋرىز – تىنىشتىق كۇنى.
ايتا كەتەرى، پارلامەنت ءماجىلىسى 98 دەپۋتاتتان قۇرالادى: 69 دەپۋتات پارتيالىق ءتىزىم بويىنشا، ال 29 دەپۋتات ءبىرمانداتتىق اۋماقتىق وكرۋگتەر بويىنشا سايلانادى.
ءماجىلىس پەن ءماسليحات دەپۋتاتتارىنىڭ كەزەكتەن تىس سايلاۋى 19 ناۋرىزدا وتەدى.