وسىمدىكتەر دە "ايعايلاپ" دىبىس شىعارادى

وسىمدىكتەر الەمى - وتە نازىك. سوندىقتان بولار ولار دا كۇيزەيلىسكە ۇشىرايدى ەكەن. 

يزرايلدىك عالىمدار وسىمدىكتەر سترەسكە ۇشىراعاندا دىبىس شىعارادى دەپ پايىمدايدى. زەرتتەۋشىلەر ولاردىڭ ايقايى ادامنىڭ كۇبىرلەپ سويلەسكەنىندەگى دىبىس دەڭگەيىندە بولادى دەپ ەسەپتەيدى. 

ادەتتە وسىمدىكتەر الەمى جەل سوقپاسا قوزعالمايتىندىقتان جانسىز، سوعان بايلانىستى ءۇنسىز الەم رەتىندە قابىلدانادى.

بۇل جايىندا Almaty-akshamy.kz  Islam.kz پورتالىنا سىلتەمە جاساي وتىرىپ ءمالىم ەتەدى.

بۇرىن عالىمدار وسىمدىكتەردىڭ دىبىس شىعارا الاتىنىن انىقتاعان. ال تەل-اۆيۆ ۋنيۆەرسيتەتىنىڭ (يزرايل) عالىمدارى ودان ارى تەرەڭدەپ، وسىمدىكتەر شىعاراتىن دىبىستار اۋادا ايتارلىقتاي قاشىقتىققا - ءبىر مەترگە دەيىن تارالاتىنىن جانە تەوريالىق تۇرعىدان وسىمدىكتەردىڭ ەكوجۇيەدەگى باسقا ورگانيزمدەرمەن بايلانىسۋىنا مۇمكىندىك بەرەتىنىن ءبىلدى.

«ايقايدىڭ» جيىلىگى ادام قۇلاعى ەستي المايتىنداي جوعارى، ال باسقا جانۋارلار مەن وسىمدىكتەر ولاردى انىق ەستي الادى. دەسە دە وسىمدىكتەردىڭ دىبىستى قالاي شىعاراتىنىن، ياعني، ناقتى تەتىگىن عالىمدار ءالى بىلمەيدى. وسىمدىكتەر ۇزاق ۋاقىت سۋعارىلماعاندا، بۇتاعىن كەسكەندە نەمەسە جاپىراعىن جۇلعاندا، ت.ب. جاعدايلاردى سترەسكە ءتۇسىپ، «ايقايلايدى». عالىمدار «ايقايلاۋدىڭ» ءبىر جولى - وسىمدىكتىڭ تامىرلى تىندەرىندە اۋا كوپىرشىكتەرىنىڭ پايدا بولۋى جانە جارىلۋى، دەپ بولجايدى (بۇل پروسەسس كاۆيتاسيا دەپ اتالادى).