وسىمدىك مايى ءوندىرىسى ارتىپ كەلەدى

بيىل قاڭتار-اقپان ايلارىندا 111،8 مىڭ توننا وسىمدىك مايى ءوندىرىلدى.

دەگەنمەن، سەكتورداعى باعا دا وسۋدە: ءبىر جىلدا وسىمدىك مايى شامامەن 18% قىمباتتادى، دەپ حابارلايدى Almaty-akshamy.kz

بيىل قاڭتار-اقپان ايلارىندا ەلدە 111،8 مىڭ توننا تازارتىلعان جانە تازارتىلماعان وسىمدىك مايى ءوندىرىلدى، بۇل وتكەن جىلمەن سالىستىرعاندا بىردەن 31%-كە ارتىق.

بۇل رەتتە تازارتىلعان ماي ءوندىرىسى ءبىر جىلدا 25،3 مىڭ تونناعا دەيىن تومەندەسە، تازارتىلماعان ماي ءوندىرىسى، كەرىسىنشە، 40،2% بولىپ، 86،4 مىڭ تونناعا دەيىن ءوستى.

وڭىرلەر بويىنشا ەڭ كوپ وسىمدىك مايى شىعىس قازاقستان وبلىسىندا ءوندىرىلدى: 11،6 مىڭ توننا تازارتىلعان جانە 30،4 مىڭ توننا تازارتىلماعان.

تازارتىلعان ماي وندىرىسىنەن الماتى ەكىنشى ورىندا (6،8 مىڭ توننا)، ءۇشىنشى ورىندا — شىمكەنت (5،7 مىڭ توننا). تازارتىلماعان ماي وندىرىسىنەن ەكىنشى ورىندا اباي وبلىسى (20،3 مىڭ توننا)، ءۇشىنشى ورىندا — الماتى (12،2 مىڭ توننا).

ەلدەگى وسىمدىك مايى ءوندىرىسىنىڭ 77%-ى كۇنباعىس مايىنا تيەسىلى. تازارتىلماعان كۇنباعىس مايى 68،5 مىڭ توننا ءوندىرىلدى، ءبىر جىل بۇرىنعىدان 2،1 ەسە كوپ، تازارتىلعان — 17،6 مىڭ توننا، 45،9% ازايعان.