ۇمىتكەردىڭ قۇجاتتارى 4 قازان كۇنى قابىلدانعان.
قازاقستاننىڭ ورتالىق سايلاۋ كوميسسياسىنا پرەزيدەنت سايلاۋىنا كانديدات رەتىندە ۇسىنىلعان مەيرام قاجىكەننىڭ قۇجاتتارىن قابىلدادى، دەپ حابارلايدى Almaty-akshamy.kz.
ق ر پرەزيدەنتىنىڭ 2022 جىلعى 20 قاراشادە وتەتىن كەزەكتەن تىس سايلاۋىنا «امانات» قازاقستان كاسىپوداقتارىنىڭ دوستاستىعى ركب كانديدات رەتىندە ۇسىنعان مەيرام قاجىكەننىڭ جەكە قۇجاتتارى ۇسىنىلدى»، - دەلىنگەن وسك حابارلاماسىندا.
ۇسىنىلعان قۇجاتتاردىڭ اراسىندا «امانات» قازاقستان كاسىپوداقتارىنىڭ دوستاستىعى ركب جوعارى ورگانى وتىرىسىنىڭ قازاقستان رەسپۋبليكاسىنىڭ پرەزيدەنتتىگىنە ۇسىنۋ تۋرالى حاتتاماسىنان ءۇزىندى؛ م. قاجىكەننىڭ قازاقستان رەسپۋبليكاسىنىڭ پرەزيدەنتتىگىنە كانديدات بولۋعا كەلىسىمى تۋرالى ءومىرباياندىق دەرەكتەرى قوسا بەرىلگەن ءوتىنىشى؛ ق ر ورتالىق سايلاۋ كوميسسياسىنىڭ شوتىنا سايلاۋ جارناسىنىڭ ەنگىزىلگەنىن كۋالاندىراتىن قۇجات؛ جەكە باسىن كۋالاندىراتىن قۇجاتتىڭ كوشىرمەسى؛ جوعارى ءبىلىم تۋرالى ديپلومداردىڭ كوشىرمەلەرى بار.
بۇدان بۇرىن كەزەكتەن تىس پرەزيدەنت سايلاۋىنا «استانا» حالىقارالىق عىلىمي كەشەنىنىڭ ەكونوميكالىق زەرتتەۋلەر ينستيتۋتىنىڭ باسشىسى مەيرام قاجىكەننىڭ كانديداتۋراسى ۇسىنىلعانىن حابارلاعان بولاتىنبىز.