الماتى اكىمى ەربولات دوسايەۆ ورتالىق ازياداعى ءىرى MyCar كuldzhinka كوپفۋنكسيونالدى اۆتوورتالىعىنىڭ رەسمي اشىلۋ راسىمىنە قاتىستى.
اۋماعى 30 مىڭ ش.م اۆتوورتالىقتا ءبىر مەزگىلدە 700 جۇرىلگەن اۆتوكولىك جانە رەسمي ديلەرلىك ورتالىقتاردان - BMW، Changan، Chery، Haval جانە Hyundai جاڭا 50 اۆتوموبيل ۇسىنىلۋى مۇمكىن. سونىمەن قاتار، اۆتوورتالىقتىڭ جانىنداعى اشىق الاڭدا تاعى 800 اۆتوكولىك قويىلادى.
MyCar Kuldzhinka اۆتوورتالىعى - بۇل ساۋدا ويىن-ساۋىق ورتالىقتارىن باسقارۋداعى جانە اۆتوموبيل ريتەيلىندەگى ينۆەستوردىڭ تاجىريبەسىن بىرىكتىرەتىن جاڭا كونسەپت.
اۆتوورتالىقتىڭ ەكوجۇيەسى كليەنتتەرگە “ءبىر تەرەزە قاعيداتى بويىنشا" جاڭا اۆتوكولىك، سونىمەن قاتار، كەز-كەلگەن باعادا زاڭدى جانە تەحنيكالىق تەكسەرۋدەن وتكەن جۇرىلگەن اۆتوكولىك ساتىپ الۋعا، ونى ەسەپكە قويۋعا جانە مەملەكەتتىك ءنومىر الۋعا مۇمكىندىك بەرەدى. اۆتوورتالىقتىڭ مامىلەنىڭ زاڭدىلىعىنا جانە جاسىرىن اقاۋلاردىڭ بولماۋىنا كەپىلدىك بەرۋى اۆتوشوپينگتىڭ بۇل ءتاسىلى اۆتوكولىكتى قولدان ساتىپ الۋدىڭ تيىمدىلىگىن ارتتىرادى.
الماتىدا وڭىردەگى ءىرى كوپفۋنكسيونالدى اۆتوورتالىقتىڭ اشىلۋى اۆتوموبيلدەردىڭ قايتالاما نارىعىنىڭ اشىقتىعىن ارتتىرۋعا، ەكونوميكانىڭ وسى سەكتورىن كولەڭكەدەن شىعارۋعا ىقپال ەتەدى، سونىمەن بىرگە ساتۋشىلار مەن ساتىپ الۋشىلار ءۇشىن مامىلەلەر جۇرگىزۋدىڭ قاۋىپسىزدىگىن قامتاماسىز ەتەدى دەپ كۇتىلۋدە.
اۆتوورتالىق ءبىر مەزەتتە كۇنىنە 500 كليەنتكە دەيىن قىزمەت كورسەتە الادى، الەۋەتتى ساتۋ كولەمى - جىلىنا 18 000 اۆتوكولىك.
اۆتوورتالىقتىڭ قۇرىلىسىنا ينۆەستيسيا 21 ملرد تەڭگەنى جۇمسالدى، وندا 600-دەن استام ادام جۇمىس ورنىمەن قامتىلدى.