الماتى مارافونى - داستۇرگە اينالعان بۇقارالىق سپورتتىق شارا.
كوپشىلىك ءىس-شارا جىل سايىن 1 قازان كۇنى وتەدى، ياعني بۇگىن ول ون ەكىنشى رەت ۇيىمداستىرىلىپ وتىر، دەپ حابارلايدى Almaty-akshamy.kz Almaty.tv-عا سىلتەمە جاساپ.
الماتى مارافونى AIMS حالىقارالىق جارىستار مەن جۇگىرۋلەر قاۋىمداستىعىنا كىرەدى، مارافون تراسساسى World Athletics ستاندارتىنا سايكەس سەرتيفيكاتتالعان. بيىل جارىسقا الەمنىڭ تۇكپىر-تۇكپىرىنەن كەلگەن 15 000 سپورتشى قاتىسادى.
مارافونعا 15 جاستان اسقان تىلەك بىلدىرۋشىلەر 42،2 كم، 21،1 كم، 10 كم، 10 كم سكانديناۆيالىق جۇرىسكە جانە ەكيدەن كوماندالىق ەستافەتاسىنا قاتىسۋعا بولادى. سورە مەن مارە رەسپۋبليكا الاڭىندا جوسپارلانعان. مارەگە جەتكەن قاتىسۋشىلار مارەشىنىڭ ەستەلىك مەدالىن الادى. سونىمەن قاتار ەرلەر مەن ايەلدەر اراسىنداعى جاس ساناتتارىنداعى ۇزدىك ۇشتىك مەدالمەن، گراموتامەن جانە اقشالاي سىيلىقپەن ماراپاتتالادى. 21،1 كم جانە 42،2 كم ءابسوليۋتتى جەڭىمپازداردا اقشالاي سىيلىق بەرىلەدى.
ءداستۇرلى ءىس-شارا اياقتالعاننان كەيىن جينالعان قاراجاتتىڭ ءبىر بولىگى قايىرىمدىلىق جوبالاردى قولداۋعا جىبەرىلەدى. 2022 جىلى قاسكەلەڭ مەن تالعارداعى مۇگەدەكتىگى بار بالالارعا ارنالعان ەكى مەكتەپ-ينتەرناتقا، «سولنىشكو» بالالار ءۇيى مەن «Rehab Team» وڭالتۋ ورتالىعىنا سپورت نىساندارىن سالىپ، قاجەتتى جابدىقتاردى ساتىپ الۋعا 45 500 000 تەڭگە ءبولىندى. بۇعان قوسا، «وديننادسات درۋزەي ماكسيما» كومانداسىنا «Flying Start racing Wheelchair» ون جارىس ارباسى تابىستالدى.
الماتى مارافونىنىڭ ۇيىمداستىرۋشىلارى: «ءبىرىنشى بولۋ – باتىلدىق» كورپوراتيۆتىك قورى، «World Class Almaty» فيتنەس-كلۋبى، اكادەميك ش.ەسەنوۆ اتىنداعى ءعىلىمي-بىلىم بەرۋ قورى جانە الماتى قالاسى اكىمدىگىنىڭ قولداۋىمەن #سەنىڭجاڭاقىرىڭ مۋلتيسپورتتىق Youtube-ارناسى.
مارافوندى وتكىزۋگە بايلانىستى 1 قازاندا ساعات 7:00-دەن 13:30-عا دەيىن جارىس وتەتىن جەرلەردە جولداردا كولىك قوزعالىسى ءىشىنارا جابىق بولادى.