ارمەنيا، قازاقستان، قىرعىزستان، تاجىكستان جانە وزبەكستان قۇرامىنا كىرەتىن ەۋرازيالىق ازاماتتىق اۆياسيا كونفەرەنسياسى (EACAC) الماتىدا العاشقى وتىرىسىن وتكىزدى. بۇل فورۋمعا ءار ەلدىڭ اۆياسيا سالاسىنىڭ وكىلدەرى قاتىسىپ، الەمدىك اۆياسيالىق ۇيىمدارمەن بىرلەسە جۇمىس ىستەۋگە باعىتتالعان قادامداردى قاراستىردى. وتىرىستا، سونداي-اق، موڭعوليانىڭ اۆياسيالىق بيلىك وكىلدەرى بايقاۋشى رەتىندە قاتىستى.
وتىرىستى اشقان قازاقستان رەسپۋبليكاسى كولىك ۆيسە-مينيسترى تالعات لاستايەۆ: "ەۋرازيا وڭىرىندە العاش رەت ازاماتتىق اۆياسيا سالاسىندا وسىنداي ۇيىم قۇرىلۋدا. EACAC ۇشۋ قاۋىپسىزدىگى، اۆياسيالىق قاۋىپسىزدىك، فورمالدىلىقتى جەڭىلدەتۋ، ورنىقتى دامۋ جانە اۆياسيالىق كادرلاردى دايارلاۋ سالاسىندا تاجىريبە الماسۋعا مۇمكىندىك بەرەدى، بولاشاق سىن-تەگەۋرىندەرگە دايىن بولۋعا نەگىز قالايدى"، – دەدى.
EACAC-تىڭ نەگىزگى ماقساتى – ەۋرازيا ايماعىنداعى مۇشە ەلدەردىڭ اۆياسيالىق بيلىك ورگاندارى اراسىندا ۇيلەستىرۋدى كۇشەيتىپ، ورتاق پلاتفورمانى دامىتۋ. وسى ماقساتتا كونفەرەنسياعا قاتىسۋشىلار ازاماتتىق اۆياسيانىڭ ەۋرازيالىق كونفەرەنسياسىن قۇرۋ تۋرالى دەكلاراسياعا قول قويدى. قازاقستان تاراپىنان بۇل قۇجاتتى ق ر كولىك مينيسترلىگى ازاماتتىق اۆياسيا كوميتەتىنىڭ ءتورايىمى سالتانات تومپييەۆا بەكىتتى.
قازاقستاننىڭ اۆياسيالىق اكىمشىلىگىنىڭ باس ديرەكتورى كاتالين رادۋ ءوز سوزىندە: "EACAC – حالىقارالىق اۆياسيالىق قوعامداستىقتا پىكىرلەردى بىرىكتىرىپ، ەلدەرىمىزدىڭ كۇش-جىگەرىن ۇيلەستىرەتىن ماڭىزدى باستاما. كونفەرەنسيا سالالىق ارىپتەستەردەن جانە ۇكىمەتتەردەن ۇلكەن قولداۋ الدى"، – دەپ اتاپ ءوتتى.
ءىس-شارا بارىسىندا قازاقستاننىڭ اۆياسيالىق اكىمشىلىگى وقىتۋ ورتالىعىنىڭ جوباسى مەن "EASAS ينسپەكتورلار بازاسى" ءبىرىڭعاي پلاتفورماسىن قۇرۋعا ارنالعان تۇساۋكەسەرلەر ءوتتى.
وتىرىستىڭ ناتيجەسى بويىنشا، EACAC باس حاتشىسى بولىپ قازاقستاننىڭ كولىك ۆيسە-مينيسترى تالعات لاستايەۆ، ال پرەزيدەنتى رەتىندە وزبەكستان رەسپۋبليكاسىنىڭ ازاماتتىق اۆياسيا اگەنتتىگىنىڭ باس ديرەكتورى تاحير نازاروۆ تاعايىندالدى.
EACAC مىندەتتەرى:
- ايماقتىق ىنتىماقتاستىقتى جانە ءوزارا قولداۋدى نىعايتۋ؛
- ۇشۋ قاۋىپسىزدىگى مەن اۆياسيالىق قاۋىپسىزدىكتى جاقسارتۋ؛
- ۇشقىشسىز اۆياسيانى دامىتۋعا باعىتتالعان ساياساتتار مەن راسىمدەردى ەنگىزۋ؛
- ايماق ەلدەرىنىڭ اۆياسيالىق مۇمكىندىكتەرىن نىعايتۋ، حالىقارالىق دەڭگەيدە ولاردىڭ ورنىن كۇشەيتۋ؛
- تەحنيكالىق كومەك كورسەتۋ، كادرلاردى دايارلاۋ جانە تەحنيكالىق رەسۋرستاردىڭ ورتاق "پۋلىن" قۇرۋ.
انىقتاما: ازاماتتىق اۆياسيانىڭ ەۋرازيالىق كونفەرەنسياسىن قۇرۋ يدەياسى العاش رەت 2023 جىلى مامىردا قازاقستاندا وتكەن "ورتالىق ازيانىڭ تۇراقتى دامۋى مەن ترانزيتتىك الەۋەتىن ىسكە اسىرۋ جولىنداعى ەنەرگەتيكالىق كوشۋ" اتتى اۆياسيالىق ديالوگتا كوتەرىلگەن بولاتىن. 2024 جىلدىڭ ءساۋىر ايىندا تۋلۋزادا (فرانسيا) وتكەن يكاو كەڭەسىندە EACAC جوباسى تانىستىرىلدى.