الماتىدا ەو مەن بۇۇ گەندەرلىك زورلىق-زومبىلىقتى جويۋ جونىندەگى ورتالىق ازيا اليانسى قۇرىلدى.
بۇل يننوۆاسيالىق باستاما گەندەرلىك زورلىق-زومبىلىقپەن كۇرەسۋگە جانە ءبىر مەزگىلدە گەندەرلىك تەڭدىككە قاتىستى تۇراقتى دامۋ سالاسىنداعى 5 ماقساتقا باعىتتالعان، دەپ حابارلايدى Almaty-akshamy.kz Astanatv.kz-كە سىلتەمە جاساپ.
اليانس گەندەرلىك تەڭدىكتى ىلگەرىلەتۋدى، ازاماتتىق قوعامدى نىعايتۋدى جانە وڭىردەگى گەندەرلىك زورلىق-زومبىلىقتىڭ الدىن الۋدى ماقسات ەتەدى. ءىس-شارا ەو، بۇۇ، ورتالىق ازيا ەلدەرىنىڭ، ديپلوماتيالىق كورپۋستىڭ، ازاماتتىق قوعام ۇيىمدارىنىڭ، ب ا ق جانە جاستار بىرلەستىكتەرىنىڭ 70-تەن استام وكىلى جينالدى.
«ەۋروپالىق وداق، ورتالىق ازيا ەلدەرى جانە بۇۇ سەرىكتەستەرى ايەلدەر مەن قىزدارعا قاتىستى زورلىق-زومبىلىقتىڭ بارلىق ءتۇرىن جويۋ ءۇشىن بىرلەسىپ جۇمىس ىستەۋدە. ءبىز «Spotlight» باستاماسى اياسىندا كۇش بىرىكتىرەمىز جانە جىنىستىق جانە گەندەرلىك زورلىق-زومبىلىقتى جويۋ بويىنشا ورتالىق ازيا اليانسىن قۇرامىز، بۇل بارىمىزگە زاماناۋي جانە ءادىل قوعامدى قالىپتاستىرۋعا كومەكتەسەدى»، - دەيدى ەو-نىڭ قازاقستانداعى ەلشىسى كەستۋتيس يانكاۋسكاس.
ءىس-شارا بارىسىندا قاتىسۋشىلار اتقارعان جۇمىستارىن تالقىلادى. سونداي-اق ايەلدەر مەن قىزدارعا قاتىستى زورلىق-زومبىلىققا قارسى كۇرەستە كەزدەسەتىن وزەكتى ماسەلەلەردى تالقىلادى.
«ءبىز وڭىردەگى بارلىق سەرىكتەستى گەندەرلىك زورلىق-زومبىلىقتى جويۋ ءۇشىن وسى ماڭىزدى كۇش-جىگەرگە قوسىلۋعا شاقىرامىز. بىرگە جۇمىس ىستەي وتىرىپ، ءبىز ورتاق كۇشىمىزدى قورعانىس تەتىكتەرىن نىعايتۋ جانە زارداپ شەككەندەرگە ادىلەتتىلىك پەن قولداۋ كورسەتكەنىن قالايمىز. وسى باعىتتا ءبىرقاتار جۇمىس اتقارىلىپ جاتىر. بولاشاقتا ناتيجەسىن بەرەدى دەگەن سەنىمدەمىن»، - دەيدى بۇۇ-نىڭ قازاقستانداعى تۇراقتى ۇيلەستىرۋشىسى ميكاەلا فريبەرگ-ستوري.
ورتالىق ازيا اليانسى باسقا وڭىرلەردە گەندەرلىك تەڭدىك، جاھاندىق قوزعالىسقا ۇلەس قوسۋعا بار كۇش جىگەرىن سالماق.