ەرتەڭ، 2 ماۋسىمدا پرەزيدەنت قاسىم-جومارت توقايەۆ قىرعىزستاننىڭ چولپان-اتا قالاسىندا وتەتىن ەكىنشى «ورتالىق ازيا – ەۋروپالىق وداق» سامميتىنە قاتىسادى، دەپ حابارلايدى almaty-akshamy.kz
وندا ايماق ەلدەرىنىڭ باسشىلارى مەن ەۋروپا كەڭەسىنىڭ ءتوراعاسى شارل ميشەل ايماقتار اراسىنداعى ساياسي، ەكونوميكالىق، ساۋدا جانە مادەني ىنتىماقتاستىقتىڭ قازىرگى جاعدايى مەن كەلەشەگىن تالقىلايدى. بۇعان قوسا حالىقارالىق وزەكتى تاقىرىپتار مەن وا-ەو اراسىنداعى ىنتىماقتاستىق ماسەلەلەرى بويىنشا پىكىر الماسادى.
قىرعىزستان پرەزيدەنتى سادىر جاپاروۆتىڭ توراعالىعىمەن وتەتىن سامميتتە پرەزيدەنت قاسىم-جومارت توقايەۆپەن بىرگە وزبەكستان پرەزيدەنتى شاۆكات ميرزيەيەۆ، تاجىكستان پرەزيدەنتى ەمومالي راحمون، تۇركىمەنستان مينيسترلەر كابينەتى ءتوراعاسىنىڭ ورىنباسارى نۇرمۇحامماد امانيپەسوۆ، ەۋروپالىق كەڭەس ءتوراعاسى شارل ميشەل قاتىسادى.
سامميت تۋرالى 30 مامىر كۇنى قىرعىزستان پرەزيدەنتى اپپاراتىنىڭ سىرتقى ساياسات ءبولىمىنىڭ مەڭگەرۋشىسى مۇراتبەك ازيمبەكوۆ جاساعان رەسمي مالىمدەمەدە، تاراپتار كوپجاقتى جانە ەكىجاقتى كەزدەسۋلەر دە وتكىزەتىنى ايتىلعان.
سامميت قازاقستاندى قامتىعان ورتا ازيا ايماعىنداعى گەوساياسي ءىس-قيمىلداردىڭ اسا قىزۋ كەزەڭىندە ءوتىپ وتىر. بۇدان بۇرىن اقش جانە جۇڭگو تارابى دا ايماق ەلدەرىمەن 5+1 فورماتىندا سامميت وتكىزگەن ەدى.