بۇل تۋرالى قىتايدىڭ سىرتقى ىستەر ءمينيسترى ۆان ي ايتتى.
ورتالىق ازيا ەلدەرى مەن جۇڭگو ەسەپ ايىرىسۋدا ۇلتتىق ۆاليۋتا قولدانۋدى ۇلعايتادى. بۇل تۋرالى قىتايدىڭ سىرتقى ىستەر ءمينيسترى ۆان ي ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇگىنگى كەزدەسۋىمىزدىڭ باستى مىندەتى – جۇڭگو مەن ورتالىق ازيا ەلدەرى اراسىنداعى ديپلوماتيالىق قارىم-قاتىناستىڭ 30 جىلدىعىنا ارنالعان ونلاين سامميتتە 6 مەملەكەتتىڭ باسشىلارى قول جەتكىزگەن ۋاعدالاستىقتى جۇزەگە اسىرۋ. «جۇڭگو – ورتالىق ازيا» فورماتىندا مەملەكەت باسشىلارىنىڭ تۇراقتى كەزدەسۋىن وتكىزۋ تۋرالى شەشىم نەگىزگى ناتيجە سانالادى»، - دەدى ۆان ي «ورتالىق ازيا – جۇڭگو» فورماتىنداعى سىرتقى ىستەر مينيسترلەرىنىڭ ءۇشىنشى كەڭەسى قورىتىندىسىنا ارنالعان بريفينگتە.
ونىڭ اتاپ وتۋىنشە، كەزدەسۋ جەمىستى بولدى.
«ونىڭ قورىتىندىسىندا كەلەسى اسپەكتىلەرى اتاپ وتۋگە بولادى. ءوزارا قۇرمەت، تاتۋ كورشىلىك، ءوزارا قولداۋ مەن ءوزارا تيىمدىلىك رۋحىن باسشىلىققا الا وتىرىپ، ورتالىق ازيانىڭ گۇلدەنۋى مەن ورتالىق بولاشاعى، دەربەستىگى مەن بەيبىتشىلىگى ءۇشىن كۇش بىرىكتىرەمىز. ءبىز جوعارى ساپالى ىنتىماقتاستىقتى جالعاستىرىپ، ەكوپقىرلى كووپەراسيانى كەڭەيتەمىز. تيىسىنشە قارجىلىق تەتىكتەردى قۇرۋ مۇمكىندىگىن قاراستىرىپ، ۇلتتىق ۆاليۋتادا ەسەپ ايىرىسۋدى ودان ارى كەڭەيتەمىز»، - دەدى جۇڭگو ءمينيسترى.