سيفرلىق قۇجاتتاردىڭ قاتارى نەگىزگى ورتا جانە جالپى ورتا ءبىلىم تۋرالى اتتەستاتپەن تولىقتى.
ول ەندى eGovMobile ءموبيلدى قوسىمشاسىنداعى «Bilim» جاڭا قىزمەت كورسەتۋ سەرۆيسىندە قولجەتىمدى، دەپ حابارلايدى Almaty-akshamy.kz قازاقستان رەسپۋبليكاسى وقۋ-اعارتۋ مينيسترلىگىنىڭ باسپا ءسوز قىزمەتى.
«وسى جىلدان باستاپ مەكتەپ تۇلەكتەرى اتتەستاتتارىن سيفرلىق نۇسقادا الا باستايدى. ول ءۇشىن eGovMobile ءموبيلدى قوسىمشاسىنداعى «Bilim» سەرۆيسىنە ءوتۋ كەرەك، مۇندا «مەنىڭ بالالارىم» بولىمىندە اتا-انالار مەن زاڭدى وكىلدەرى ءۇشىن كامەلەتكە تولماعان بالالاردىڭ قۇجاتتارى قولجەتىمدى بولادى»، - دەيدى سيفرلاندىرۋ دەپارتامەنتى ديرەكتورىنىڭ مىندەتىن اتقارۋشى مايرا مارالبايەۆا.
ەستەرىڭىزگە سالا كەتەيىك، وسىدان ءبىر اي بۇرىن ق ر وقۋ-اعارتۋ مينيسترلىگى eGovMobile ءموبيلدى قوسىمشاسىندا «Bilim» جاڭا سەرۆيسىن ىسكە قوسقان بولاتىن. مۇندا ءبىلىم تۋرالى مالىمەتتەر، سيفرلىق قۇجاتتار بەرىلگەن بىرنەشە ءبولىم بار. ال ءبىر جىل بۇرىن قوسىمشادا كوللەدج ديپلومدارى QR-كودپەن بەرىلە باستادى.