«جىبەك» ميۋزيكلىمەن ورتالىق ازيا ەلدەرىنىڭ تەاترلارىنىڭ شىعارماشىلىق كەزدەسۋلەرىنىڭ شىمىلدىعىن اشتى
"جىبەك" ميۋزيكلىمەن ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى ورتالىق ازيا تەاترلارىنىڭ شىعارماشىلىق كەزدەسۋلەر سەرياسىن اشتى.
2021 جىلعى 21-30 ماۋسىم ارالىعىندا ونىڭ ساحناسىندا وزبەكستان، قىرعىزستان جانە قازاقستان تەاترلارىنىڭ ۇزدىك قويىلىمدارى قويىلادى. اۋقىمدى شارا قازاقستان رەسپۋبليكاسى تاۋەلسىزدىگىنىڭ 30 جىلدىعى مەن استانا كۇنىنە ورايلاستىرىلعان. سپەكتاكل باستالار الدىندا ق ر مادەنيەت جانە سپورت ءمينيسترى اقتوتى رايىمقۇلوۆا كورەرمەندەردى، تەاتر قايراتكەرلەرىن، وزگە ەلدەردەن كەلگەن قوناقتاردى ەلىمىزدىڭ تەاتر ومىرىندەگى ايتۋلى وقيعامەن قۇتتىقتادى. "جوعارى كوركەمدىك جانە ەستەتيكا تۋىندىلارىنىڭ ارقاسىندا وتكەن مەن بولاشاق اراسىنداعى ۋاقىت بايلانىسى ۇزىلمەيدى دەپ سەنەمىن. شىعارماشىلىق كەزدەسۋلەردىڭ بارلىق قاتىسۋشىلارىنا شىعارماشىلىق تابىستار مەن جاڭا بيىكتىكتەر تىلەيمىن"، - دەدى اقتوتى رايىمقۇلوۆا.
نۇر-سۇلتان قالاسى اكىمىنىڭ ەلوردالىق تەاتر ارتىستەرىنە 70 پاتەر بولگەنى تۋرالى سوزدەرىن جينالعاندار دۋ قول شاپالاقپەن قوشەمەتتەدى. "قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنا ارنالعان جاڭا عيمارات ق ر تۇڭعىش پرەزيدەنتى-ەلباسى نۇرسۇلتان نازاربايەۆتىڭ باستاماسىمەن، مەملەكەت باسشىسى قاسىم-جومارت توقايەۆتىڭ قولداۋىمەن سالىندى. پاندەمياعا بايلانىستى ءبىز جوسپارلاعان كوپتەگەن ءىس-شارالار كەيىنگە قالدىرىلدى. ەندى شىعارماشىلىق كەزدەسۋلەرگە مۇمكىندىك تۋدى. تەاتر تۇرعىزۋ - ەلوردامىز بەن مەملەكەتىمىزدىڭ يگىلىگى عانا ەمەس، جالپى الەمدىك مادەنيەت پەن ۇلتتىق ونەرگە دەگەن قىزىعۋشىلىقتىڭ ارتۋىنىڭ ايعاعى. ءبىز شىعارماشىلىق تاجىريبە الماسۋعا دايىندىقتى قولدايمىز جانە وزبەكستان مەن قىرعىزستاننان كەيىن باسقا ەلدەردىڭ تەاتر قايراتكەرلەرى بىزگە ءوز قويىلىمدارىمەن كەلەدى"، - دەدى التاي كولگىنوۆ.
ونىڭ پىكىرىنشە، بۇل تەاترلىق ءىس-شارا باۋىرلاس ەلدەردىڭ مادەني بايلانىستارىن نىعايتۋعا سەپتىگىن تيگىزەتىنى ءسوزسىز. ەستەرىڭىزگە سالا كەتەيىك، شىعارماشىلىق كەزدەسۋلەردىڭ نەگىزگى ماقساتى - قازاق تەاتر ونەرىن دامىتۋ، حالىقارالىق تەاترلار اراسىنداعى بايلانىستى نىعايتۋ، كورەرمەندەردى تەاتر ونەرىنىڭ ۇزدىك ۇلگىلەرىمەن تانىستىرۋ، ەلوردانى الەمدىك تەاتر ونەرىنىڭ قارقىندى دامۋى مەن دامۋىنا ىقپال ەتەتىن ورتالىق رەتىندە ىلگەرىلەتۋ.
