الماتىدا ءورت ءسوندىرۋ كولىكتەرىنە وقيعا ورنىنا تەز جەتۋىنە مۇمكىندىك بەرمەي، جول ەرەجەسىن بۇزاتىن اۆتوكولىكتەردىڭ سانى كوبەيگەن.
الماتى قالالىق توتەنشە جاعدايلار دەپارتامەنتىنىڭ مالىمەتىنشە، ءورت ءسوندىرۋ تەحنيكاسىنىڭ كەدەرگىسىز ءجۇرۋى مەن شاقىرۋ ورنىنا جىلدام جەتۋىن قامتاماسىز ەتۋ ماقساتىندا قالالىق تجد مەن قالالىق پوليسيا دەپارتامەنتىنىڭ جەرگىلىكتى پوليسيا قىزمەتى بىرلەسىپ بيىل 14 رەيد ۇيىمداستىرعان، دەپ حابارلايدى Almaty-akshamy.kz.
"ءورت ءسوندىرۋ تەحنيكالارى قالانىڭ كوشەلەرىمەن جۇرگەن كەزدە باسقا دا جول قوزعالىسىنا قاتىسۋشىلار دۇرىس ارەكەتتەر كورسەتتى. الايدا، ءورت ءسوندىرۋ تەحنيكاسىنىڭ كەدەرگىسىز وتۋىنە كەدەرگى كەلتىرگەن 4 فاكتى تىركەلدى جانە 4 اكىمشىلىك حاتتاما تولتىرىلدى (ق ر «اكىمشىلىك قۇقىق بۇزۋشىلىق تۋرالى» كودەكسىنىڭ 595-بابىنىڭ 3-بولىگى - جول ءجۇرىسى قاعيدالارىنىڭ جول ءجۇرۋدىڭ باسىم قۇقىعىن پايدالاناتىن كولىك قۇرالىنا جول بەرۋ تالابىن ورىنداماۋ). اكىمشىلىك ايىپپۇلدىڭ جالپىپى سوماسى - 101 مىڭ 775 تەڭگە (29 اەك) قۇرادى"، - دەپ حابارلادى تجد-نىڭ باسپا ءسوز قىزمەتى.
تجد-دا سونداي-اق قالا كوشەلەرى مەن تۇرعىن ءۇي اۋلالارىندا جەكە اۆتوكولىكتەردىڭ قاپتاپ تۇرۋى دا ماڭىزدى ماسەلە ەكەنىنە نازار اۋداردى.