بيىل ءورت قاۋىپسىزدىگى ەرەجەلەرىن بۇزعان 10 511 كاسىپكەر ەسكەرتۋ السا، 2 مىڭعا جۋىعىنا ايىپپۇل سالىندى. توتەنشە جاعداي مينيسترلىگىنىڭ وكىلى جىل باسىنان بەرى ءورتتىڭ ازايعانىن ايتتى، دەپ حابارلايدى almaty-akshamy.kz Informburo.kz سىلتەمە جاساپ.
تجم ورتكە قارسى قىزمەت كوميتەتى ءتوراعاسىنىڭ ورىنباسارى مارات حاسەنوۆ ءورت قاۋىپسىزدىگى ەرەجەسىن بۇزعان كاسىپكەرلەردىڭ كوبىسىنە جەڭىلدىك جاسالعانىن مالىمدەدى. ياعني، ولارعا ايىپپۇل سالىنۋدىڭ ورنىنا اكىمشىلىك جازا رەتىندە تەك ەسكەرتۋ جاسالعان.
"جىل باسىنان بەرى مەملەكەتتىك ورتكە قارسى قىزمەتتەر 15 مىڭ تەكسەرۋ جۇرگىزدى. تەكسەرىس كەزىندە 68 مىڭنان استام ەرەجە بۇزۋشىلىق انىقتالدى. وسى ورايدا 12 مىڭ كاسىپكەر اكىمشىلىك جاۋاپكەرشىلىككە تارتىلدى. ءبىراق وسىنىڭ ىشىندە 10 511 كاسىپكەرگە اكىمشىلىك جاۋاپكەرشىلىك ەسكەرتۋ تۇرىندە بولعانىن ايتا كەتۋ كەرەك. ال ايىپپۇل 1 853 كاسىپكەرگە سالىندى"، – دەدى مارات حاسەنوۆ.
سونداي-اق ول جىل باسىنان بەرى ءورت سانىنىڭ ازايعانىن ايتتى. رەسپۋبليكا بويىنشا شامامەن – 0،5%-عا ازايعان.
ءبىراق، ءورت كەزىندە كوز جۇمعاندار سانى وسكەن. بيىل 43 ادامعا كوپ. ءورت ءجيى بولاتىن سەكتورلار:
- تۇرعىن ءۇي – 68؛
- كولىك قۇرالدارى – 20؛
- شارۋاشىلىق نىساندارى – 10-15.
ال ءورتتىڭ نەگىزگى شىعۋ سەبەپتەرى:
- ەلەكتر قۇرىلعىلارىن مونتاجداۋ جانە تەحنيكالىق پايدالانۋ كەزىندە – 34؛
- جىلۋ قۇرالدارى – 16؛
- ءورت تۇتاتاتىن قۇرالداردى بەيجاي پايدالانۋ – 28.