ورمان ءورتىن سوندىرۋگە جىبەرىلگەن تىكۇشاعىمىز تۇركياعا جەتتى

ەلىمىز قيىن كەزدە قول ۇشىن سوزدى.

قازاقستاننان ورمان ءورتىن ءسوندىرۋ ءۇشىن كومەك رەتىندە جىبەرىلگەن تىكۇشاقتار تۇركيا رەسپۋبليكاسىنا جەتتى، دەپ حابارلايدى Almaty-akshamy.kz. 24.kz-كە سىلتەمە جاساپ.

بۇل جونىندە ەلىمىزدىڭ تجم رەسمي وكىلى تالعات ءۋالي مالىمدەدى.

«قازاقستان پرەزيدەنتى قاسىم-جومارت توقايەۆتىڭ تاپسىرماسى بويىنشا تۇرىك حالقىنا باۋىرلاستىق جانە گۋمانيتارلىق كومەك كورسەتۋ اياسىندا 11 تامىزدا ساعات 13.25-تە قازاقستان تجم قۇتقارۋ توبى دالامان قالاسىنا كەلدى»، - دەلىنگەن حابارلامادا. 

جىبەرىلگەن كومەكتىڭ قۇرامىندا 2 مي-8امت تىكۇشاعى جانە ورمان ورتتەرىن سوندىرۋگە تارتىلعان 16 قۇتقارۋشى بار.

«تۇستەن كەيىن ءورت ءسوندىرۋ ورىندارىندا بارلاۋ ماقساتىندا ۇشۋ جوسپارلانعان. ودان ءارى قازاقستان تجم جەكە قۇرامى تۇركيا رەسپۋبليكاسى تجم جەدەل شتابىنىڭ قاراماعىندا ءورت ءسوندىرۋ جۇمىستارىنا كىرىسەدى»، - دەلىنگەن تجم حابارلاماسىندا.

سونداي-اق، مەملەكەت باسشىسى قاسىم-جومارت توقايەۆتىڭ تاپسىرماسى بويىنشا 7 تامىزدا «قازاۆياقۇتقارۋ» اق-نىڭ سۋاعار قۇرىلعىلارى بار مي-8 امت ەكى تىكۇشاعى جانە ورمان ءورتىن سوندىرۋگە كومەك كورسەتۋ ءۇشىن 16 قۇتقارۋشى تۇركياعا جىبەرىلگەنى حابارلانعان بولاتىن.