ەلىمىز پلاتفورمادا وقىتۋ بەلسەندىلىگى بويىنشا الەمدە 18-ورىنعا يە بولدى.
قازاقستان Coursera-دا وقىتۋ بەلسەندىلىگى بويىنشا الەمنىڭ توپ-20 قاتارىنا كىردى، دەپ حابارلايدى Almaty-akshamy.kz عىلىم جانە جوعارى ءبىلىم مينيسترلىگىنە سىلتەمە جاساپ.
قازاقستان جاھاندىق داعدىلار يندەكسى بويىنشا 109 ەل اراسىندا 32ء-شى ورىنعا يە بولدى، بۇل ەلىمىزدەگى كادرلاردىڭ كاسىبي داعدىلارىن دامىتۋداعى باسەكەگە قابىلەتتىلىگىن كورسەتەدى.
“بۇل يندەكستى Coursera پلاتفورماداعى 109 ەلدىڭ ءبىلىم الۋشىلارىنىڭ دەرەكتەرىن تالداۋ نەگىزىندە قالىپتاستىرادى. جاھاندىق داعدىلار رەيتينگى Coursera-دا داعدىلاردى مەڭگەرۋدى باعالاۋعا، ەلدىڭ جاھاندىق يننوۆاسيالار يندەكسىندەگى كورسەتكىشتەرىنە، جان باسىنا شاققانداعى جىو-گە، ەڭبەككە قابىلەتتى حالىقتىڭ قاتىسۋ دەڭگەيىنە، ادامي كاپيتال يندەكسىنە نەگىزدەلگەن”، دەپ ءتۇسىندىردى ۆەدومستۆونىڭ باسپا ءسوز قىزمەتى.
Coursera سونىمەن قاتار پلاتفورمادا بەلسەندى جۇمىس كۇشىنىڭ پايىزدىق ۇلەسى بويىنشا سيفرلىق چەمپيونداردى – الەمنىڭ ۇزدىك 20 ەلىن اتادى. قازاقستان پلاتفورمادا وقىتۋ بەلسەندىلىگى بويىنشا الەمدە 18-ورىنعا يە بولدى.
“بۇل جەتىستىك ەلىمىزدىڭ قولجەتىمدى، زاماناۋي وقىتۋعا ينۆەستيسيا سالۋ ارقىلى ەكونوميكالىق ءوسۋ مەن باسەكەگە قابىلەتتىلىكتى ىنتالاندىرىپ قانا قويماي، سونىمەن قاتار ازاماتتارعا وزگەرىستەر جاعدايىندا بەيىمدەلۋگە جانە تابىسقا جەتۋگە مۇمكىندىك بەرەدى”، دەلىنگەن مينيسترلىك تاراتقان اقپاراتتا.