وقۋ-اعارتۋ مينيسترلىگىنىڭ بالالاردىڭ قۇقىقتارىن قورعاۋ كوميتەتىنىڭ مالىمەتىنشە، بۇل ماسەلەدە زاڭناما شەڭبەرىندە جۇزەگە اسىرىلۋى جانە ولاردىڭ دەنساۋلىعىنا، وقۋىنا جانە دامۋىنا زيان كەلتىرمەۋى ءتيىس ەكەنىن ەستە ساقتاۋ ماڭىزدى.
ق ر ەڭبەك كودەكسىنىڭ 69-بابىنا سايكەس:
14 پەن 16 جاس ارالىعىنداعى جاسوسپىرىمدەر اپتاسىنا 24 ساعاتتان ارتىق جۇمىس ىستەمەۋى ءتيىس؛
16 مەن 18 جاس ارالىعىنداعى جاسوسپىرىمدەر ءۇشىن بۇل شەكتەۋ — اپتاسىنا 36 ساعاتتان اسپاۋى قاجەت.
كامەلەتكە تولماعان جاسپەن ەڭبەك شارتى جاسالعاندا اتا-اناسىنىڭ نەمەسە زاڭدى وكىلىنىڭ جازباشا كەلىسىمى مىندەتتى تۇردە قاجەت.
زاڭناماعا سايكەس كامەلەتكە تولماعانداردى كەلەسىدەي جۇمىستارعا تارتۋعا تىيىم سالىنادى:
تۇنگى ۋاقىتتاعى جۇمىس (ساعات 22:00-دەن 06:00-گە دەيىن)،
ۇستەمە جۇمىس،
ۆاحتالىق ادىسپەن جۇمىس ىستەۋ،
قوسا اتقارىلاتىن جۇمىس
جۇمىس ۋاقىتىنىڭ جيىنتىق ەسەبىمەن جۇرگىزىلەتىن ەڭبەك.
- ءاربىر بالا قاناۋدان اۋلاق بولۋ جانە دەنساۋلىعىن ساقتاۋ ءۇشىن ءوز قۇقىقتارىن ءبىلۋى ماڭىزدى. سونداي-اق، ولاردىڭ زاڭدى قۇقىقتارىنىڭ ساقتالۋىن قامتاماسىز ەتۋ — ەرەسەكتەردىڭ مىندەتى. بالالار ەڭبەگىن زاڭسىز پايدالانۋ ەلەۋلى قۇقىق بۇزۋشىلىق بولىپ تابىلادى. ال جۇمىس بەرۋشىلەر ءتىپتى اكىمشىلىك جانە قىلمىستىق جاۋاپكەرشىلىككە تارتىلۋى مۇمكىن، - دەيدى ق ر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتورايىمى ناسىمجان وسپانوۆا.
كوميتەت بالالاردى ەڭبەك قىزمەتىنىڭ تىيىم سالىنعان تۇرلەرىنە تارتۋ فاكتىلەرى انىقتالعان جاعدايدا بۇل تۋرالى ەڭبەك جونىندەگى مەملەكەتتىك ينسپەكتورعا، ق ر وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنە نەمەسە 111 ءبىرىڭعاي بايلانىس ورتالىعىنا دەرەۋ حابارلاۋ قاجەت.