ارنايى جۇمىس توبى قۇرىلدى.
دسم مەكتەپتە تاماقتانۋدىڭ جاڭا ستاندارتتارىن ۇسىندى، دەپ حابارلايدى aqshamnews.kz
بۇل تۋرالى دەنساۋلىق ساقتاۋ مينيسترلىگى مەن وقۋ-اعارتۋ مينيسترلىگىنىڭ بىرلەسە وتىرىپ وتكىزگەن دوڭگەلەك ۇستەل بارىسىندا ايتىلدى.
جاڭا ستاندارت ازىق-تۇلىك ساتىپ الۋدان باستاپ، تاماق دايىنداۋعا جانە وسى سالادا جۇمىس ىستەيتىن قىزمەتكەرلەردى وقىتۋعا دەيىنگى بارلىق كەزەڭدەردى قامتيدى.
«وقۋشىلاردىڭ ديەتاسىن ەنەرگيا مەن قورەكتىك زاتتاردى، سونداي-اق تۇزدى، قانتتى جانە قانىققان مايلاردى تۇتىنۋ نورمالارىنا سۇيەنە وتىرىپ، تاعامداردىڭ پايدالىلىعى مەن تاعامدىق قۇندىلىعىن ەسكەرە وتىرىپ قايتا قاراۋ جوسپارلانىپ وتىر»، – دەلىنگەن مينيسترلىك حابارلاماسىندا.
دسم قازاق تاعامتانۋ اكادەمياسىمەن بىرلەسىپ، ەرەكشە ديەتالىق قاجەتتىلىكتەردى قوسا العاندا، وقۋشىلاردىڭ تاماقتانۋىن جاقسارتۋ بويىنشا ءبىرقاتار ۇسىنىس ازىرلەدى. بۇل قانت ديابەتى، تاعامدىق اللەرگيا، لاكتوزاعا توزبەۋشىلىك جانە باسقا دا ەرەكشەلىكتەرى بار بالالارعا قاتىستى.
ايتا كەتسەك، ءقازىر قازاقستاندا تەگىن مەكتەپ تاماعىمەن 1،7 ملن وقۋشى قامتىلعان.
تاماقتانۋ ستاندارتىنىڭ جوباسىن تالقىلاۋ ءۇشىن وقۋ-اعارتۋ مينيسترلىگىنىڭ بازاسىندا بەيىندى تاماقتانۋ ماماندارى مەن مۇددەلى مەملەكەتتىك ورگانداردىڭ وكىلدەرىنەن تۇراتىن جۇمىس توبى قۇرىلدى.