مەكتەپ جيھازدارى وقۋشىلاردىڭ بويى مەن جاسىنا ساي كەلە بەرمەيدى.
بىلتىر جالپى ءبىلىم بەرەتىن مەكتەپتەردىڭ 2 911 777 وقۋشىسى تەرەڭدەتىلگەن مەديسينالىق تەكسەرۋدەن ءوتتى، دەپ حابارلايدى Almaty-akshamy.kz.
ونىڭ ىشىندە 2 480 540 بالا (85%) قارالدى. بۇل تۋرالى ۇكىمەت باسشىسىنىڭ ورىنباسارى ەرالى توعجانوۆ پارلامەنت دەپۋتاتتارىنىڭ سۇراعىنا بەرگەن جازباشا جاۋابىندا كورسەتكەن، دەپ جازادى inbusiness.kz.
مەديسينالىق قاراپ-تەكسەرۋلەردىڭ تالداۋى كورسەتكەندەي، وقۋشىلار اراسىندا كورۋ ورگاندارىنىڭ پاتولوگياسى ءبىرىنشى ساتىدا تۇر (2021 جىلى – 60490 وقۋشى).
«وقۋشىلاردىڭ كورۋ قابىلەتىنىڭ ناشارلاۋىنىڭ نەگىزگى سەبەپتەرى: ولاردى اقپاراتتىق تەحنولوگيالارمەن تانىستىرۋ، وقىتۋدى كومپيۋتەرلەندىرۋ: گادجەتتەر مەن ۇيالى تەلەفونداردى بەلسەندى قولدانۋمەن بايلانىستى وقۋ جۇكتەمەسىنىڭ ارتۋى، ءموبيلدى قۇرىلعىلاردىڭ الەۋمەتتىك جەلىلەرى ارقىلى شامادان تىس اقپاراتتىق جۇكتەمەلەر، كورۋ گيگيەناسىنىڭ بۇزىلۋى، كورۋ رەجيمىنىڭ ساقتالماۋى»، - دەيدى پرەمەر-مينيستردىڭ ورىنباسارى.
ەكىنشى ورىندا - 2020 جىلمەن سالىستىرعاندا 2،7 ەسە وسكەن نەيروپسيحياتريالىق اۋرۋلار (2021 جىلى-15946، 2020 جىلى - 5872).
«ءوسۋدىڭ سەبەپتەرى - پسيحوەموسيونالدى جاعدايلاردىڭ جوعارىلاۋى، الەۋمەتتىك جەلىلەر ارقىلى شامادان تىس اقپاراتتىق جۇكتەمە، تەلەفون مەن گادجەتتەرگە پسيحولوگيالىق تاۋەلدىلىك، كۇندەلىكتى رەجيمدى ساقتاماۋ جانە باسقا سەبەپتەر»، - دەگەندى ايتادى توعجانوۆ.
ءۇشىنشى ورىندا قالىپ پاتولوگياسى (سكوليوز)، 2021 جىلى 6112 بالادا سكوليوز انىقتالدى (2020 ج. - 2517).
«دەنە ءبىتىمىنىڭ بۇزىلۋىنا ىقپال ەتەتىن سەبەپتەر - قوزعالىس بەلسەندىلىگىنىڭ جەتكىلىكسىزدىگى، بوي مەن جاسىنا ساي ەمەس مەكتەپ جيھازىنا وتىرۋى، وتىرۋ كەزىندە دەنەنىڭ دۇرىس ورنالاسپاۋى، ۇستەلگە «دۇرىس وتىرۋدى» ساقتاماۋ، ارقاعا اساتىن سومكەنىڭ ورىنىنا قولدوربا ۇستاۋ، الدىن الۋ جاتتىعۋلارىن ورىنداماۋ نەمەسە تۇراقتى ورىنداماۋ، ت.ب.» - دەلىنگەن جاۋاپتا.
ەرالى توعجانوۆتىڭ جازۋىنا قاراعاندا، پروفيلاكتيكالىق تەكسەرۋلەر، سكرينينگتىك زەرتتەۋلەر ەسەبىنەن بالالاردى دەر كەزىندە انىقتاۋ، ديسپانسەرلىك ەسەپكە قويۋ جانە ولاردى ساۋىقتىرۋ بويىنشا جۇمىستار تۇراقتى نەگىزدە جۇرگىزىلەدى.
وقۋ-اعارتۋ مينيسترلىگى مەن دەنساۋلىق ساقتاۋ مينيسترلىگىنە كەلەسى تاپسىرمالار بەرىلگەن:
– مەكتەپكە دەيىنگى جاستان باستاپ بالا، اتا-انا جانە پەداگوگتاردى گيگيەنالىق وقىتۋ مەن تاربيەلەۋ؛
– بالالاردىڭ جاس ەرەكشەلىكتەرىن ەسكەرە وتىرىپ، مەكتەپ جيھازىنا قويىلاتىن تالاپتاردى كۇشەيتۋ.
ايتا كەتەيىك، اتالمىش اقپاراتقا قاراعاندا، 2021 جىلى اقمولا (16%)، ماڭعىستاۋ وبلىستارىندا (55،8%) وقۋشىلاردى مەديسينالىق تەكسەرۋمەن قامتىلعان ۇلەس تومەن بولدى.