وقۋشى قىزدارمەن جىنىستىق قاتىناسقا تۇسپەك بولعان ەكى ءمۇعالىم جۇمىستان قۋىلدى

ەكى ءمۇعالىم مەن مەكتەپ كۇزەتشىسى قىزمەتىنەن بوساتىلدى

وسكەمەن قالاسىنداعى مەكتەپتە كامەلەتكە تولماعان قىزبەن جىنىستىق قاتىناسقا تۇسپەك بولعان ەكى ءمۇعالىم جۇمىستان قۋىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

الەۋمەتتىك جەلىلەردە قالاداعى №30 مەكتەپ اۋماعىندا ەكى ەر ادامنىڭ كامەلەتكە تولماعان قىزبەن جىنىستىق قاتىناسقا تۇسپەك بولىپ جاتقان ۆيدەوسى تاراپ كەتتى. 

بەلگىلى بولعانداي، بۇل سول ءبىلىم ورداسىندا جۇمىس ىستەيتىن مۇعالىمدەر بولىپ شىقتى. ەكەۋى دە ماس كۇيدە بولعان. ال ءجاسوسپىرىم قىزدىڭ كىم ەكەنى ازىرگە بەلگىسىز. 

«ەكى ءمۇعالىم مەن مەكتەپ كۇزەتشىسى قىزمەتىنەن بوساتىلدى. بەينەباقىلاۋ كامەراسىنىڭ جازباسىنان زورلىق-زومبىلىق فاكتىلەرى بايقالماعان. ەندى قالا مەكتەپتەرىندەگى باقىلاۋدى كۇشەيتەمىز»، - دەدى وسكەمەن قالالىق ءبىلىم ءبولىمىنىڭ باسشىسى ساۋلە الاگۋزوۆا. 

شقو پوليسيا دەپارتامەنتىنىڭ مالىمەتىنشە، ولار جىنىستىق قاتىناسقا ءتۇسىپ ۇلگەرمەگەن. قولدانىستاعى زاڭناماعا سايكەس، ەر ادامدار ۇساق بۇزاقىلىق بابى بويىنشا اكىمشىلىك جاۋاپكەرشىلىككە تارتىلىپ وتىر.