قوندىرعى تولىقتاي اۆتوماتتاندىرىلعان.
اقتوبەلىك وقۋشى ينكۋباتور قۇراستىرىپ شىقتى، دەپ حابارلايدى Almaty-akshamy.kz
دىنمۇحامەد جەتكەرگەننىڭ يننوۆاسيالىق يدەياسى اۋىل شارۋاشىلىعى سالاسىنا، سونىڭ ىشىندە قۇس وسىرەتىندەر ءۇشىن تاپتىرماس ولجا بولماق.
ويتكەنى، وقۋشى ويىنان قۇراستىرىلعان ينكۋباتوردا ءبىر مەزەتتە جۇمىرتقادان 200 بالاپاندى باستىرىپ شىعارۋعا بولادى. 11-سىنىپ وقۋشى دىنمۇحامەد جەتكەرگەن بالا كەزىنەن روبوتوتەحنيكاعا اۋەس. ۇيىرمەگە بارىپ ءجۇرىپ ساندىق تەحنولوگيا، فيزيكاعا دەن قويا باستاعان. ارمانى اۋىل شارۋاشىلىعىنا پايدا اكەلەتىن زاماناۋي قوندىرعى قۇراستىرۋ بولىپتى.
"اۋىل شارۋاشىلىعىن دامىتۋعا ۇلەس قوسىپ، ءبىر جاڭالىق جاساعىم كەلدى. ءۇش جىل قاتارىنان بالاپاندى تەز ءوسىرىپ شىعاراتىن ينكۋباتوردى قۇراستىرىپ ءجۇردىم. ءار نۇسقاسىن جەتىلدىرگەن سايىن، قاتەلىكتەرىمدى جوندەۋگە تىرىستىم. جانارگۇل ەركەبايەۆا دەگەن ۇستازىم ماعان كوپ كومەكتەستى. ينكۋباتوردىڭ جۇمىسىنا كەلسەك، تابيعي انالىقتىڭ قاسىندا، مىسالى تاۋىقتىڭ قاسىندا بالاپانى 5 ەسە شىعارىپ بەرە الادى. 200 بودەنە جۇمىرتقاسىن، 85 تاۋىق جۇمىرتقاسىن، 60 ۇيرەك، قازدىڭ 45 جۇمىرتقاسىن باسىپ شىعارۋعا بولادى"، - دەيدى دىنمۇحامەد جەتكەرگەن.
قوندىرعى تولىقتاي اۆتوماتتاندىرىلعان. جىلىتۋ جۇيەسى وزدىگىنەن اينالىپ تۇرادى. ينكۋباتور ازىرگە تەست رەجيمدە تۇرعانىمەن، جۇمىسى ناتيجەسىن بەرگەن. ءقازىردىڭ وزىندە ينكۋباتوردىڭ كومەگىمەن شىققان بالاپانداردى ديماشتىڭ ءوزى ءوسىرىپ، جۇمىرتقاسىن ينكۋباتورعا سالىپ كوبەيتىپ جاتىر.
ونەرتاپقىش وقۋشىنىڭ باستاماسىن اقتوبەدەگى №18 مەكتەپتىڭ باسشىلىعى دا قولدايدى.
"ءبىز وقۋشىمىزدىڭ يدەياسىن جۇزەگە اسىرۋىنا بارىنشا جاعداي جاسايمىز. ءقازىر عىلىمي جەتەكشىسى ەكەۋى الداعى ۋاقىتتا جاس بيزنەسمەندەر بايقاۋلارىنا قاتىسپاقشى. ءارى جوبالارىنا اۆتورلىق قۇقىق كۋالىگىن الۋعا قۇجاتتارىن ازىرلەپ جاتىر"، - دەدى مەكتەپ ديرەكتورىنىڭ ورىنباسارى ءمادينا ابىلشييەۆا.