ۇكىمەت وتىرىسىندا وقۋ-اعارتۋ ءمينيسترى جايلى مەكتەپتەر سالۋ تەتىكتەرى تۋرالى باياندادى. عاني بەيسەمبايەۆتىڭ ايتۋىنشا، جوبا بۇگىندە ءۇش ادىسپەن جۇزەگە اسىرىلۋدا.
ءبىرىنشىسى مەكتەپتەردىڭ قۇرىلىسى «Samruk-Kazyna سonstruction» ءبىرىڭعاي وپەراتورى ارقىلى جۇرگىزىلەدى، دەپ حابارلايدى اlmaty-akshamy.kz. ەكىنشىسى، اكىمدىكتەردىڭ دايىن عيماراتتاردى جەكە ينۆەستورلاردان ساتىپ الۋى ارقىلى، ءۇشىنشىسى مەملەكەتتىك-جەكە مەنشىك سەرىكتەستىك اياسىندا.
ۇلتتىق جوبانى ىسكە اسىرۋعا جەكە ينۆەستيسيالاردى تارتۋ ماقساتىندا وقۋ-اعارتۋ مينيسترلىگى مەكتەپ سالۋدىڭ ءتورتىنشى تەتىگىن ازىرلەدى.
«بۇل تەتىك ەكى تاراپتان تۇراتىن كونسورسيۋم قۇرۋدى كوزدەيدى. بۇل جەكە ينۆەستور جانە جەتەكشى ءبىلىم بەرۋ ۇيىمى. ونى ىسكە اسىرۋ كەزىندە وبەكتىلەردىڭ قىمباتتاۋ تاۋەكەلدەرى نيۆەليرلەنەدى. ياعني، مەملەكەتتىك ءبىلىم بەرۋ تاپسىرىسىن ورنالاستىرۋ بويىنشا كەيىنگە قالدىرىلعان مىندەتتەمەلەر ەسەبىنەن بيۋدجەتكە جۇكتەمەلەر قىسقارتىلادى. ينۆەستورلاردى ىرىكتەۋدى اكىمدىكتەر كونكۋرستىق نەگىزدە جۇزەگە اسىرادى»، - دەدى عاني بەيسەمبايەۆ.
ايتا كەتەيىك، بىلتىر 208 جايلى مەكتەپتىڭ قۇرىلىسى باستالدى. ونىڭ 98ء-ىن وقۋ جىلى باستالعانعا دەيىن، قالعان 110 نىساندى 2024 جىلدىڭ سوڭىنا دەيىن پايدالانۋعا بەرۋ كوزدەلۋدە. سونىمەن قاتار، استانا جانە الماتى قالالارىندا 9 مەكتەپتى جەكە قۇرىلىس سالۋشىلاردان ساتىپ الۋ جوسپارلانۋدا. «جايلى مەكتەپ» جوباسى بويىنشا بارلىعى 740 مىڭ وقۋشىعا ارنالعان 369 مەكتەپ اشۋ جوسپارلانۋدا.