ق ر وقۋ-اعارتۋ ءمينيسترى عاني بەيسەمبايەۆ ەلىمىزدىڭ قۇرمەتتى پەداگوگتەرى، «قازاقستاننىڭ ەڭبەك ەرى»، «قازاقستاننىڭ ەڭبەك سىڭىرگەن ۇستازى» اتاقتارىنىڭ يەگەرلەرىمەن كەزدەستى.
ولاردىڭ قاتارىندا اياگۇل ميرازوۆا، الينا سولوۆيەۆا، الما شۋكىجانوۆا سياقتى ەلىمىزدەگى ءبىلىم بەرۋ جۇيەسىنىڭ قالىپتاسۋ جولىندا ەڭبەگى سىڭگەن ەسىمدەرى ەلەۋلى تۇلعالار دا بار، دەپ حابارلايدى Almaty-akshamy.kz سالا مينيسترلىگىنە سىلتەمە جاساپ.
قازاقستاننىڭ ەڭبەك ەرى اياگۇل تورە قىزىنىڭ ايتۋىنشا، مەملەكەت باسشىسىنىڭ قولداۋىنىڭ ارقاسىندا ەلىمىزدە پەداگوگ مارتەبەسىنە ەرەكشە كوڭىل بولىنۋدە. دەگەنمەن جۇيەنى جەتىلدىرۋ ءۇشىن ونى ۇزدىكسىز دامىتۋ قاجەت. ۇستاز ءار ءمۇعالىمنىڭ باستى مىندەتى - بالانىڭ رۋحاني-ادامگەرشىلىگى جوعارى تۇلعا رەتىندە قالىپتاسۋىنا ىقپال ەتۋ دەپ سانايدى.
«ءبىزدىڭ موينىمىزدا ۇلكەن جاۋاپكەرشىلىك - ەلىمىزدىڭ بولاشاعى تۇر. سوندىقتان، جاس ۇستازدار اكادەميالىق ءبىلىمدى دامىتىپ قانا قويماي، بالالاردى ادامي قاسيەتتەر مەن مورالدىق پرينسيپتەرگە سايكەس تاربيەلەۋى قاجەت دەپ سانايمىن. پرەزيدەنت ۇلتتىق قۇرىلتايدا باسىمدىق بەرگەن قۇندىلىقتار – بارلىق پەداگوگيكالىق جانە اتا-انالار قاۋىمداستىعى ءۇشىن تەمىرقازىققا اينالۋى ءتيىس»، - دەپ اتاپ ءوتتى اياگۇل ميرازوۆا.
ءوز كەزەگىندە مينيستر ۇستازدارعا ەرەن ەڭبەگى مەن بالالارعا دەگەن سۇيىسپەنشىلىگى جانە جاناشىرلىعى ءۇشىن العىس ءبىلدىردى. ولاردىڭ ۇزدىك تاجىريبەلەرى مەن پاراسات-پايىمدارى وڭىرلەردە تاراتىلۋى كەرەكتىگىن ايتتى.
«ىبىراي التىنسارين «ءمۇعالىم بولۋ – مانساپ ەمەس، جوعارىدان بەرىلگەن سىي» دەپ ايتقان. ءمۇعالىمنىڭ ەڭبەگى كوپقىرلى ءارى جان-جاقتى، وڭاي ەمەس. ال قازىرگى پەداگوگ – ول بارلىق ارىپتەستەرى ءۇشىن كوشباسشى جانە ۇلگى بولۋى ءتيىس. «قازاقستاننىڭ ەڭبەك ەرى»، «قازاقستاننىڭ ەڭبەك سىڭىرگەن ۇستازى» اتاعىن العان مۇعالىمدەر مەكتەپتى باسقارۋ ماسەلەلەرىنە، تاربيە ىسىنە سالالىق كاسىبي ساراپشى رەتىندە قاتىسۋى قاجەت»، – دەدى عاني بەيسەمبايەۆ.
وقۋ-اعارتۋ ءمينيسترى سوڭعى جىلدارداعى ءبىلىم بەرۋدەگى وڭ وزگەرىستەرگە توقتالدى. بۇل جالاقى كولەمىن ۇلعايتۋ، جۇكتەمەنى ازايتۋ، كاسىبي بىلىكتىلىكتى ارتتىرۋ، ينفراقۇرىلىمدى جاڭعىرتۋ جانە ت. ب. اتاپ وتسەك، بۇگىنگى تاڭدا ەلىمىزدىڭ 2906 مەكتەبىندە بالالار ءبىر اۋىسىمدا ءبىلىم الۋدا.
ايتا كەتەيىك، مەملەكەت باسشىسى ەلىمىزدە العاش رەت «قازاقستاننىڭ ەڭبەك سىڭىرگەن ۇستازى» مەملەكەتتىك ناگراداسىن بەكىتتى. 2021 جىلدان بەرى 46 پەداگوگ وسى ماراپاتتىڭ يەگەرى، ال ءۇش پەداگوگ «قازاقستاننىڭ ەڭبەك ەرى» اتاعىن يەلەندى.