بۇگىن ق ر مادەنيەت جانە سپورت ءمينيسترى اسحات ورالوۆتىڭ توراعالىعىمەن وتكەن رەسپۋبليكالىق ونوماستيكا كوميسسياسىنىڭ وتىرىسى ءوتتى.
وندا وڭتۇستىك قازاقستان مەملەكەتتىك پەداگوگيكالىق ۋنيۆەرسيتەتىنە كورنەكتى مەملەكەت جانە قوعام قايراتكەرى، عالىم-ەتنوگراف، تاريحشى، اكادەميك وزبەكالى جانىبەكوۆتىڭ ەسىمىن بەرۋ تۋرالى شەشىم قابىلداندى، دەپ حابارلايدى Almaty-akshamy.kz.
وزبەكالى جانىبەكوۆتىڭ قايراتكەرلىك ونەگەسى، ۇلتتىق رۋحانياتقا قوسقان ولشەۋسىز ۇلەسى – پەداگوگ مامانداردىڭ باعدار الار شامشىراعى ىسپەتتەس. ءداۋىر دارابوزى ەلدىك مۇرات جولىندا حالىقتىق تانىمنىڭ، ۇلتتىق تاعىلىمنىڭ، مادەني مۇرانىڭ، تاريحي ءداستۇردىڭ قايتا تۇلەپ جاڭعىرۋىنا ايتۋلى ەڭبەك ءسىڭىردى.
قايراتكەرلىك رۋحتىڭ تالىم-تاربيەگە قوسار ۇلەسى ەسكەرىلىپ، ۋنيۆەرسيتەتتە «وزبەكالى جانىبەكوۆ ورتالىعى» اشىلىپ، تاريحىمىزداعى ءبىرتۋار تۇلعانىڭ ەتنوگرافيالىق باي مۇراسىن زەرتتەۋگە، ۇلتتىق مادەني تانىمدى، تاربيە قۇندىلىقتارىن، قازاق مادەنيەتىنىڭ قالىپتاسۋ ءۇردىسىن جانە دامۋ بەلەستەرىن عىلىمي تۇرعىدا دايەكتەۋگە قىزمەت ەتىپ وتىر.