وڭتۇستىك وڭىرلەردە اياز كۇشەيەدى

سولتۇستىكتە، كەرىسىنشە، ايازدىڭ بەتى قايتا باستايدى.

سينوپتيكتەر 12-14 قاڭتارعا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz

«قازگيدرومەت» رمك تاراتقان اقپاراتقا سۇيەنسەك، وڭتۇستىكتە اياز كۇشەيىپ، سولتۇستىكتە، كەرىسىنشە، ايازدىڭ بەتى قايتا باستايدى.

«سۋىق اركتيكالىق انتيسيكلون تراەكتورياسىن رەسپۋبليكانىڭ شىعىس، وڭتۇستىك وڭىرلەرىنە باعىتتايدى، سول سەبەپتەن جاۋىن-شاشىنسىز ايازدى اۋا رايى بولجانادى، تەك رەسپۋبليكانىڭ سولتۇستىك جارتىسىندا اتموسفەرالىق فرونتالدى بولىمدەردىڭ وتۋىمەن قار، جاياۋ بۇرقاسىن كۇتىلەدى»، - دەپ مالىمدەدى «قازگيدرومەت» رمك.

سينوپتيكتەردىڭ بولجامىنشا، رەسپۋبليكانىڭ سولتۇستىك-باتىسىندا، وڭتۇستىك-شىعىسىندا تۇمان تۇسەدى.

اۋا تەمپەراتۋراسى ەلىمىزدىڭ باتىسىندا تۇندە 15-30 ايازدان 7-20 ايازعا دەيىن، سولتۇستىك-باتىستا 20-28 ايازدان 13-22 ايازعا دەيىن، رەسپۋبليكانىڭ سولتۇستىگىندە 20-35 ايازدان 13-26 ايازعا دەيىن، ورتالىقتا 30-41 ايازدان 17-25 ايازعا دەيىن، شىعىستا 32-43 ايازدان 20-30 ايازعا دەيىن تومەندەيدى:

«وڭتۇستىكتە تەمپەراتۋرانىڭ نەگىزگى فونى 22-31 اياز، وڭتۇستىك-شىعىسىندا 20-33 ايازدان 23-36 ايازعا دەيىن تومەندەيدى»، - دەلىنگەن «قازگيدرومەت» رمك تاراتقان اقپاراتتا.