ءقازىر ول جاقتا 7-8 مىڭعا جۋىق ازاماتتارىمىز ءجۇر
ق ر سىرتقى ىستەر مينيسترلىگىندە وتكەن بريفينگتە قۇزىرلى ۆەدومستۆونىڭ رەسمي وكىلى ايبەك سمادياروۆ وڭتۇستىك كورەيادا قازاقستاننان زاڭسىز بارۋشى ميگرانتتار سانى كۇرت كەمىگەنىن اتاپ ءوتتى، دەپ حابارلايدى Almaty-akshamy.kz.
ق ر ءسىم رەسمي وكىلىنىڭ ايتۋىنشا، تۇزىلگەن "جاسىل ءدالىزدىڭ" ارقاسىندا وندا زاڭسىز جۇرگەن كوپ قازاقستاندىقتار ۇيلەرىنە ورالۋعا مۇمكىندىك الدى.
"سوڭعى كەلىپ تۇسكەن مالىمەتتەر بويىنشا، ءبىر اي بۇرىن وڭتۇستىك كورەيادا ءبىزدىڭ زاڭسىز ميگرانتتار سانى ازايعان. ءقازىر ول جاقتا 7-8 مىڭعا جۋىق ازاماتتارىمىز ءجۇر. ال الدىندا بۇل سيفر شامامەن 11-12 مىڭ بولعان"،-دەدى ايبەك سمادياروۆ.
ول كوپتەگەن ادام وسى "جاسىل ءدالىزدى" پايدالانعانىن، ءبىراق ادامدار ونسىز دا ەلگە ەش كەدەرگىسىز ورالا الاتىنىن ايتتى.
"ونسىز دا ولار قايتامىن دەسە، ەلگە ورالا الادى. كورەيا ەلشىلىگى ءقازىر جاڭا تاجىريبە ەنگىزدى. وعان سايكەس، ەندى سول جاققا جەتىپ الىپ، ازاماتتارىمىز بۇرىنعىداي قالىپ قويا المايدى. كورەياعا ۆيزاسىز رەجيم بويىنشا كەلمەستەن بۇرىن ەندى ارنايى رۇقسات الۋ قاجەت. ول ءۇشىن بارلىق قاجەتتى قۇجاتتاردى - اۆيابيلەتتى، كەرى قايتاتىن اۆيابيلەتتى جانە ساقتاندىرۋ قاعازىن تاپسىرۋ قاجەت"، - دەدى ايبەك سمادياروۆ.
2022 جىلى وڭتۇستىك كورەيادا قازاننىڭ 29-نان 30-ىنا قاراعان ءتۇنى سەۋلدەگى اتاقتى يتحيەۆون اۋدانىندا ەڭ ءىرى قايعىلى وقيعا ورىن الدى. مەيرامدى تويلاتقان ىعى-جىعى ادامدار تار كوشەدە ءبىر-بىرىن قىسىپ، تاپتاپ كەتكەن.
قازا تاپقاندار اراسىندا، وكىنىشكە قاراي، ءبىر قازاقستان ستۋدەنتى دە بار بولىپ شىقتى.