قازاقستان رەسپۋبليكاسى سىرتقى ىستەر مينيسترلىگىنىڭ رەسمي وكىلى ايبەك سمادياروۆ الدىن الا مالىمەتتەرمەن ءبولىستى.
«الدىن الا كورەي بيلىگىنەن الىنعان مالىمەتتەرگە سايكەس، ۇشاق اپاتىنان قازا تاپقاندار اراسىندا قازاقستان ازاماتتارى جوق»، — دەدى سمادياروۆ.
Boeing 737 ۇشاعى ۇشۋ-قونۋ جولاعىنان شىعىپ كەتىپ، مۋان اۋەجايىنداعى قورشاۋعا سوعىلعان.
بانگكوكتان وڭتۇستىك كورەياعا ۇشقان ۇشاقتىڭ بورتىندا 175 جولاۋشى جانە التى ەكيپاج مۇشەسى بولعان.
قازىرگى ۋاقىتتا مۋاندا اپاتقا ۇشىراعان ۇشاقتان ەكى بورتسەرىكتەن باسقا ءتىرى قالعان جولاۋشىلار مەن ەكيپاج مۇشەلەرى تابىلعان جوق.
119 قۇتقارۋ قىزمەتى Boeing 737 ۇشاعىنىڭ شاعىن قۇيرىق بولىگىن قوسپاعاندا، تۇگەلدەي دەرلىك ورتەنىپ كەتكەنىن مالىمدەدى. 12:50-دە 85 ادامنىڭ دەنەسى تابىلعانى حابارلاندى.
بەينەجازبا: تەلەگرام-ارنا «ۆسيا كورەيا».