وڭتۇستىك كورەيادا ءۇش ادامنان كوروناۆيرۋستىڭ Mu شتامى تىركەلدى
كورەيالىق اۋرۋلاردى باقىلاۋ جانە الدىن الۋ اگەنتتىگىنىڭ مالىمەتتەرى بويىنشا، ءۇش ناۋقاس تا ينفەكسيانى شەتەلدە جۇقتىرعان، دەپ حابارلايدى Almaty-akshamy.kz. ولار مەكسيكا، اقش جانە كولۋمبيادان مامىر، ماۋسىم جانە شىلدە ايلارىندا كەلگەن يمميگرانتتار بولىپ شىقتى.
وڭتۇستىك كورەيانىڭ دەنساۋلىق ساقتاۋ ورگانىنىڭ ايتۋىنشا، ەل ىشىندە اۋرۋ جاعدايلارى جوق.
ەل بيلىگى جاڭا شتامنىڭ تارالۋىن جانە ءولىم-جىتىمدى مۇقيات قاداعالايتىندارىن ايتتى.
Mu كوروناۆيرۋسىنىڭ جاڭا شتامى B.1.621 عىلىمي اتاۋىمەن بەلگىلى. جاڭا شتامم العاش رەت 2021 جىلدىڭ قاڭتارىندا كولۋمبيادا اشىلدى. بۇگىنگى تاڭدا ايماقتاعى بارلىق جاڭا جاعدايلاردىڭ 39 پايىزى وسى مۋتاسيامەن بايلانىستى.
ددسۇ بۇل شتامدا سovid-19 ۆاكسينالارىنا توزىمدىلىك ءقاۋپىن كورسەتەتىن مۋتاسيالار بار دەپ مالىمدەدى.
ايتا كەتۋ كەرەك، Mu شتامى انىقتالعاننان بەرى، ونى جۇقتىرۋ دەرەكتەرى وڭتۇستىك امەريكا مەن ەۋروپادا تىركەلگەن.