ق ر ەڭبەك جانە حالىقتى الەۋمەتتىك قورعاۋ مينيسترلىگى كورەيا رەسپۋبليكاسىنىڭ ادىلەت مينيسترلىگىمەن زاڭسىز كوشى-قوندى ازايتۋ جانە ازاماتتارىمىزدىڭ قۇقىقتارىن قورعاۋ ماسەلەلەرى بويىنشا جۇرگىزىلگەن كەلىسسوزدەر بارىسىندا، كورەيادا زاڭسىز جۇمىس ىستەگەن قازاقستاندىقتارعا ايىپپۇلسىز جانە قايتا كىرۋگە تىيىم سالىنباستان ەلدەن ەرىكتى تۇردە شىعۋعا مۇمكىندىك بەرەتىن ەرىكتى قونىس اۋدارۋ باعدارلاماسىنىڭ مەرزىمدەرىن كەڭەيتۋگە ۋاعدالاستى، - دەپ حابارلايدى Aqshamnews.kz.
ءبىزدىڭ وتانداستارىمىز بۇل مۇمكىندىكتى 2025 جىلعى جەلتوقساننان 2026 جىلعى اقپان ايىنا دەيىن قوسا العاندا پايدالانا الادى.
بۇل شارالار قۇقىقتىق سالدارلاردى جەڭىلدەتۋگە جانە ءوز مارتەبەسىن رەتتەۋگە دايىن ادامداردى قولداۋعا باعىتتالعان. باعدارلاما قىلمىستىق قۇقىقبۇزۋشىلىق جاساعان، ماجبۇرلەپ شىعارۋ شاراسىنا جاتاتىن، سونداي-اق 2025 جىلعى 1 جەلتوقساننان كەيىن زاڭسىز مارتەبەگە تۇسكەن شەتەلدىكتەرگە قولدانىلمايدى.
باعدارلاماعا قاتىسۋ ءۇشىن ءتولقۇجات، ەرىكتى قونىس اۋدارۋ تۋرالى ءوتىنىش جانە اۋە بيلەتى قاجەت. الدىن الا حابارلاما كورەيا رەسپۋبليكاسىنىڭ يمميگراسيا كەڭسەلەرى ارقىلى ۇشۋ كۇنىنە دەيىن 15-تەن 3 كۇنگە دەيىنگى مەرزىمدە بەرىلەدى.
ق ر ەڭبەك جانە حالىقتى الەۋمەتتىك قورعاۋ مينيسترلىگى قازاقستاندىقتاردى شەتەلدە تەك زاڭدى نەگىزدە جۇمىسقا ورنالاسۋعا شاقىرادى. بۇل زاڭسىز كوشى-قون، ەلدەن شىعارىپ جىبەرۋ، ايىپپۇلدار، قۇقىقتىق شەكتەۋلەر جانە ەڭبەك قاناۋى سياقتى تاۋەكەلدەردىڭ الدىن الۋعا مۇمكىندىك بەرەدى.
تەك رەسمي جانە تەكسەرىلگەن ەڭبەك رەسۋرستارى ارنالارىنا جۇگىنۋ قاجەت: ليسەنزيالانعان جەكە جۇمىسپەن قامتۋ اگەنتتىكتەرى، مەملەكەتتىك باعدارلامالار جانە جۇمىس بەرۋشىلەردىڭ رەسمي ۇسىنىستارى.
ەحاقم شەتەلدە جۇمىس ىستەپ جۇرگەن قازاقستان ازاماتتارىنىڭ قۇقىقتارىن قورعاۋ بويىنشا جۇيەلى جۇمىستى جالعاستىرادى.