كەشە ىسكە قوسىلعان «سيفرلىق نوتاريات» جوباسى ارقىلى قازاقستاندىقتار 30 سەنىمحات الىپ ۇلگەرگەن، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
بۇل تۋرالى ورتالىق كوممۋنيكاسيالار قىزمەتىندە وتكەن بريفينگ بارىسىندا ق ر ادىلەت ۆيسە-مينيسترى بەكبولات مولدابەكوۆ ايتتى.
- «سيفرلىق نوتاريات» جوباسى ارقىلى ءار ازاماتتىڭ سمارتفون ارقىلى ۇيدەن، جۇمىستان سەنىمحاتتاردى الۋعا مۇمكىندىگى بار. ۇلكەن دارەجەلى جوبا. بۇل جوبانى ىسكە اسىرعان العاشقى ەلدەردىڭ ءبىرىمىز. ونلاين سەنىمحاتتى e.gov قوسىمشاسى ارقىلى الۋعا بولادى. سوڭعى مالىمەت بويىنشا كەشە 15:00 دەن قازىرگە دەيىن 30 شاقتى سەنىمحات الىپ ۇلگەرگەن. جارتى كۇننىڭ ىشىندەگە ناتيجە وسىنداي. دەمەك بۇل جوبا ءوز ماقساتىن ورىنداپ جاتىر، - دەدى ق ر ادىلەت ۆيسە-مينيسترى بەكبولات مولدابەكوۆ.
سيفرلىق سەنىمحاتتى رەسىمدەۋ جولى دا قيىن ەمەس. باستىسى eGov Mobile قوسىمشاسىندا ەسق بولسا جەتىلىكتى.
eGov Mobile قوسىمشاسىنا اۆتوريزاسيادان ءوتۋ؛
ءوتىنىمدى تولتىرىپ، وعان ەسق كومەگىمەن قول قويۋ؛
ونلاين قىزمەت ءتۇرىن الۋشى ءوزىنىڭ جەكە باسىن راستاۋ ءۇشىن ءموبيلدى قوسىمشادا نوتاريۋسقا بەينەقوڭىراۋ شالادى؛
بەلگىلەنگەن تاريف بويىنشا نوتاريۋس قىزمەتىنە اقى تولەۋ؛
«ساندىق قۇجاتتار» بولىمىنە ءوتىپ، سەنىمحات الۋ.
ايتا كەتەيىك، سەنىمحاتتىڭ بۇل ءتۇرى قاعاز نۇسقاسىنداي قولدانۋعا جارامدى.