بۇل تۋرالى ءماجىلىس دەپۋتاتى اسحات ايماعامبەتوۆ «ونكولوگيا قىزمەتىنىڭ پروبلەمالارى مەن دامۋ پەرسپەكتيۆالارى» تاقىرىبىنداعى وتىرىستا ايتتى، دەپ حابارلايدى اlmaty-akshamy.kz.
بىزدە جامان اۋرۋدان جىل سايىن 13 مىڭ قازاقستاندىق قايتىس بولادى. اسقىنعان ءۇشىنشى، ءتورتىنشى ستاديادا انىقتالاتىن ناۋقاستار سانى وتە كوپ. وكىنىشكە قاراي، اۋرۋدى ەرتە انىقتاۋ دەڭگەيى وتە تومەن بولىپ تۇر. ونكولوگيامەن اۋىراتىنداردىڭ قاتارى جاسارۋدا. ءقازىر نەگىزى باسىم كوپشىلىگى جاستار دەپ ايتۋعا بولادى. وتە جاس بالالار، جاس ازاماتتار اۋىرىپ، ولاردىڭ سانى كۇننەن-كۇنگە ءوسىپ جاتىر. 2023 جىلى ونكولوگيامەن اۋرۋ كورسەتكىشى ءوستى، - دەدى ماجىلىسمەن.
اسحات ايماعامبەتوۆ ناۋقاستاردى ەمدەۋ قۇرىلعىلارى ءبىرشاما ەسكىرگەنىن اتاپ ءوتتى.
ساۋلەمەن ەمدەۋ قۇرىلعىلارى ەسكىرگەن. مامموگرافتار، سيفرلى ءتيىستى باسقا دا قۇرىلعىلاردىڭ بارلىعى دا ەسكىرگەن. مىسالى، پەت، كت-لار بويىنشا جەتكىلىكسىز. ەندوسكوپتاردىڭ 48 پايىزى، مامموگرافتاردىڭ 40 پايىزى ەسكىرگەن. وسىدان كەيىن اۋرۋدى ەرتە انىقتاۋ تۋرالى قانداي ءسوز قوزعاۋعا بولادى؟ - دەدى ايماعامبەتوۆ.