ايماقتىق ەرەكشەلىكتەر اتالدى
بۇگىن كوروناۆيرۋستىڭ تارالۋىنا قارسى ۆەدومستۆوارالىق كوميسسيا وتىرىسىندا ەپيدەميولوگيالىق احۋالدى باعالاۋ ماتريساسى قايتا قارالدى. احۋال ناشارلاعان جاعدايدا شەكتەۋ شارالارىن ەنگىزۋ شارتتارى وزگەرەدى، دەپ حابارلايدى Almaty-akshamy.kz.
وعان سايكەس، ءوڭىر جاسىل ايماقتا بولىپ، ءبىراق «R» سانى جوعارى بولسا، جابىق ورىندار مەن قوعامدىق كولىكتە ماسكا تاعۋ ۇسىنىلادى. ءوڭىر سارى ايماققا اۋىسقان جاعدايدا: - ناۋقاسپەن بايلانىستا بولعانداردى قاشىقتان جۇمىس ىستەۋگە اۋىستىرۋ؛ - COVID-19 جۇقتىرعان ناۋقاسپەن بايلانىستا بولعان ۆيرۋسقا قارسى ەكپەگە قارسى كورسەتىلىمدەرى بار قىزمەتكەرلەردى قاشىقتان جۇمىس ىستەۋگە اۋىستىرۋ؛ - ءبىلىم بەرۋ ۇيىمدارىندا توپتاردى بىرىكتىرە وتىرىپ، ءىس-شارالاردى وتكىزبەۋ (توپتاردا ءىس-شارالاردى وتكىزۋگە رۇقسات ەتىلەدى)؛ - وبەكتىلەردە سانيتارلىق-دەزينفەكسيالىق رەجيمدى ساقتاۋ، وبەكتىلەردە ءۇي-جايلاردى كۇندەلىكتى ىلعالدى جيناۋ جانە جەلدەتۋ.