ق ر ونەركاسىپ جانە قۇرىلىس ءمينيسترى قانات شارلاپايەۆ ۇلىبريتانيانىڭ مەملەكەتتىك ءمينيسترى نۋسرات گانيمەن ماڭىزدى مينەرالدار سالاسىنداعى ىنتىماقتاستىققا باعىتتالعان كەزدەسۋ وتكىزدى.
بۇل كەزدەسۋ بيىلعى جىلى ءوزارا تۇسىنىستىك تۋرالى مەموراندۋمعا قول قويۋمەن نىعايتىلعان ەكى ەل اراسىنداعى جەمىستى ىنتىماقتاستىقتىڭ جالعاسى بولدى، اlmaty-akshamy.kz.
مەموراندۋم ماڭىزدى مينەرالدار سالاسىنداعى ستراتەگيالىق ارىپتەستىكتى ورىستەتۋدى كوزدەيدى. بەلگىلەنگەن ماقساتتارعا ءتيىمدى قول جەتكىزۋ ماقساتىندا تاراپتار جول كارتاسىن ازىرلەدى. كەزدەسۋگە قاتىسۋشىلار وسى نەگىزگى قۇجاتقا جاقىن ارادا قول قويۋعا بەل بۋىپ، وسىلايشا ۇزاق مەرزىمدى جانە ءوزارا ءتيىمدى ىنتىماقتاستىققا دەگەن ۇمتىلىستارىن نىعايتتى.
مينيستر قانات شارلاپايەۆ ءوز سوزىندە قازاقستان مەن ۇلىبريتانيا اراسىنداعى ماڭىزدى مينەرالدار سالاسىنداعى ىنتىماقتاستىقتى كەڭەيتۋدىڭ ماڭىزدىلىعىن اتاپ ءوتتى. «ءبىز بىرلەسىپ جۇمىس ىستەۋدىڭ وراسان زور الەۋەتىن كورىپ وتىرمىز جانە ءبىزدىڭ سەرىكتەستىگىمىز ەكونوميكالىق وسۋگە عانا ەمەس، سونىمەن قاتار وزىق تەحنولوگيالاردى ەنگىزۋدىڭ ىرگەتاسى بولۋعا دا سەپتىگىن تيگىزەدى دەپ سەنەمىز»، - دەپ اتاپ ءوتتى مينيستر.
كەزدەسۋدە تاراپتار ماڭىزدى مينەرالداردى بارلاۋ، وڭدەۋ، ءوندىرۋ سالاسىنداعى بىرلەسكەن جۇمىستاردىڭ كەلەشەگىن تالقىلادى. سونىمەن قاتار، كەزدەسۋگە قاتىسۋشىلار قايتا وڭدەۋ، ماڭىزدى مينەرالداردى قايتا وڭدەۋ، سونداي-اق ەلەكتروندىق قالدىقتار ماسەلەلەرىنە نازار اۋداردى.